அறிவியல் பார்வை

2011, மார்ச் ஜப்பான் சுனாமி

2011-03-15T23:27:00.000-07:00

2011, மார்ச் ஜப்பான் சுனாமி ஜப்பானுக்கு இது இன்னொரு ஹிரோசிமா நா ஹா சஹியோ ?

2011, மார்ச் ஜப்பான் சுனாமி

ஜப்பானுக்கு இது இன்னொரு ஹிரோசிமா நா ஹா சஹியோ ?

ஜப்பானைத் தாக்கிய கடும் பூகம்பம் மற்றும் சுனாமிக்கு 10,000க்கும் மேற்பட்டோர் உயிரிழந்திருக்கலாம் என்று அஞ்சப்படுகிறது. ஜப்பானில் சுனாமி தாக்கியதில் பெரும் சேதமடைந்த பகுதி மியாகி. இங்குதான் பெருமளவில் உயிரிழப்பு நடந்திருக்கலாம் என்று காவல்துறையினர் கூறுகின்றனர்.

கடும் சேதத்தை சந்தித்துள்ள மியாகி பகுதியின் கீழ் வரும் மினமிசான்ரிகு என்ற நகரம் சுனாமி தாக்குதலில் முழுமையாக மூழ்கிப் போய் விட்டது. இந்த நகரில் மட்டும் 10,000 பேர் வரை உயிரிழந்திருக்கலாம் என்று அஞ்சப்படுகிறது. இங்கு மட்டும் இத்தனை பேர் உயிரிழந்திருக்கலாம் என்று அஞ்சப்படுவதால் ஜப்பான் பூகம்பம் மற்றும் சுனாமி தாக்குதல் உயிர் பலி பல ஆயிரமாக உயரும் அபாயமும் உருவாகியுள்ளது.

இதற்கிடையே, பூகம்பம் மற்றும் சுனாமி தாக்குதலில் சிக்கி மீண்ட லட்சக்கணக்கான மக்கள் சரியான உணவு, குடிநீர், மின்சாரம் உள்ளிட்டவை கிடைக்காமல் பெரும் அவதிக்குள்ளாகியுள்ளனர்.

ஜப்பான் பிரதமர் நவோட்டா கான் இதுகுறித்துக் கூறுகையில், 65 ஆண்டு காலத்தில் ஜப்பான் சந்தித்துள்ள மிகப் பெரிய நெருக்கடி இது. இதிலிருந்து மீண்டு வர மக்கள் அனைவரும் ஒத்துழைக்க வேண்டும் என்றார்.

இதேபோல சென்டாய் நகரம் மிகப் பெரிய பேரழிவை சந்தித்துள்ளது. இந்த நகரின் ஒரு பகுதி முற்றிலும் அழிந்து போய் விட்டது. விமான நிலையம் முற்றிலும் சேதமடைந்துள்ளது. லட்சக்கணக்கான மக்கள் வீடுகள், உடமைகளை இழந்துள்ளனர்.

ஜப்பான் வரலாற்றிலேயே இல்லாத அளவு மிகப் பெரிய அளவில் மீட்பு மற்றும் நி்வாரணப் பணிகள் முடுக்கி விடப்பட்டுள்ளன. சுனாமி தாக்கிய பகுதிகளில் எங்கு பார்த்தாலும் சிதிலமடைந்த வீடுகள், அடித்துச் செல்லப்பட்ட கார்கள் உள்ளிட்ட வாகனங்கள் என சுடுகாடு போல காட்சி அளிக்கின்றன.

ஜப்பான் அரசு மீட்பு நடவடிக்கைளை முழு வீச்சில் முடுக்கி விட்டிருக்கிறது. ஆயிரக்கணக்கானோர் இதில் ஈடுபட்டுள்ளனர்

அணுக்கதிர் வீச்சை தடுக்க ஜப்பானில் அவசர நிலை : ஜப்பானின் இதுவரை இல்லாத அளவிற்கு நேற்று மிக பயங்கரமான நிலநடுக் கமும், சுனாமியும் ஏற்பட்டன.

எரிமலை வெடிப்பு: ஜப்பானில் நிலநடுக்கம் ஏற்பட்ட சில மணி நேரங்கள் கழித்து, இந்தோனேசியாவின் வடக்கு சுலவெசியா தீவுக் கூட்டத்தில் உள்ள சியாவூ தீவில் உள்ள கரங்கடெங் எரிமலை வெடிக்க துவங்கியுள்ளது.கடல் மட்டத்தில் இருந்து 5,853 அடி உயர த்தில் உள்ள இந்த எரிமலையில் இருந்து நேற்று நெருப்புக் குழம்பும், புகையும் வெளிப்பட துவங்கியதாக செய்திகள் தெரிவிக்கின்றன.

ஜப்பான் அணு உலைகள்: ஜப்பானில் மொத்தம் 53 அணு உலைகள் உள்ளன. இவற்றில் இருந்து 34.5 சதவீதம் மின்சாரம் உற்பத் தியாகிறது. மிக அதிகளவில் அணு உலைகள் கொண்டுள்ள நாடுகளில் ஜப்பானுக்கு 3வது இடம்.தற்போது சுனாமி மற்றும் நிலநடுக்கத்தால் பாதிக்கப்பட்ட வடகிழக்கு பகுதியில், ஒனகாவா, ஹிகாஷிடோரி, புக்கு ஷிமா, டோக்காய், டொமரி ஆகிய ஐந்து அணு உலைகள் செயல் படுகின்றன. தற்போதைய நிலநடுக்கத்தில், ஒனகாமாவும், புக்குஷி மாவில் உள்ள சில பிரிவுகளும் இயங்கவில்லை. பேரழிவு மற்றும் அபாய காலங்களில் இவை தாமாகவே இயங்காத அமைப்பைக் கொண்டவை. அணுக்கதிர் வீச்சு அபாயத்தை தடுக்க “அணு சக்தி மின் சார அவசர நிலையை’ அரசும் அறிவித்தது.

ஜப்பான் சுனாமியில் சிக்கிய ஆயிரம் பேரின் கதி என்ன? ஜப்பானில் ஏற்பட்ட சுனாமியில் ஆயிரம் பேரை காணவில்லை. இதுவரை 300 சடலங்கள் கண்டெடுக்கப்பட்டுள்ளன. ஜப்பானில் நேற்று 8.9 ரிக்டர் அளவுக்கு பூகம்பம் ஏற்பட்டது. இதை தொடர்ந்து ஏற்பட்ட பயங்கர சுனாமியால், செண்டாய் உள்ளிட்ட நகரங்கள் மூழ்கின. செண்டாய் நகரில் உள்ள வகாபாயாஷி பகுதியில் 300 சடல ங்கள் மீட்கப்பட்டுள்ளன. ஜப்பானின் வடகிழக்கு கடற்கரை பகுதியில் நூற்றுக்கும் அதிகமானவர்களை ஏற்றிச் சென்ற கப்பலில் இருந் தவர்களை காணவில்லை. சென்டாய் – இஷினோமேகி பகுதிக்கு இடையே சென்று கொண்டிருந்த ரயிலில் பயணித்த பயணிகளின் கதி என்னவானது என்பது தெரியவில்லை. இதே போல, ஆயிரத்துக்கும் அதிகமான மக்களை காணவில்லை. எனவே, சுனாமியால் பலியான நபர்களின் எண்ணிக்கை அதிகரிப்பதற்குவாய்ப்புள்ளதாக அந்நாட்டு அதிகாரிகள் தெரிவித்துள்ளனர்.

இந்தச் செய்தியினை படிக்கும் நமக்கு சுனாமியை பற்றிய சில தகவல்களை பரிமாறிக்கொள்ள அறிவியல் பார்வை விழைகிறது

சுனாமி என்றால் என்ன?

சுனாமி என்பது ஜப்பானிய மொழியில் உள்ள ஒரு வார்த்தை. சு+னாமி என இரண்டும் சேர்ந்துதான் சுனாமி என்றாகியது. சு என்றால் துறைமுகம் என்றும் னாமி என்றால் பேரலை என்றும் ஜப்பானில் அர்த்தாமாகும். சுனாமி என்பது துறைமுக பேரலை என்று சொல்கிறார்கள். இது சில நிமிடங்களிலிருந்து சில நாட்கள் வரை கூட இருக்கக் கூடியது. மேலும் பல்லாயிரக்கணக்கான ராட்சத அலைகளை உருவாக்கக்கூடிய தன்மையுடையது இந்த சுனாமி யாகும்
சுனாமி எப்படி உருவாகிறது?
முதலில் பூகம்பம் ஏற்படுகிறது. இந்த பூகம்பம் நிலப்பகுதியிலோ அல்லது கடல் பகுதியிலோ அல்லது மலைப்பகுதியிலோ முதலில் ஏற்படும். நிலப் பகுதியில் வந்தால் நிலத்தில் அதிர்ந்து சேதம் ஏற்படுகிறது. மலையில் பூகம்பம் வந்தால் மலையில் எரிமலையாக உருவெடுகிறது. . கடலில் பூகம்பம் வந்தால் கடலின் ஆழப்பகுதி பாதிக்கப்படுகிறது, கடலுக்கு அடியில் ஏற்படக்கூடிய பூகம்பத்தினால் கடல் நீர் உந்த்படுகிறது. இதனால் மிகப்பெரிய அலைகள் ஏற்படுகின்றன். இவை கரையைத்தாண்டி சேதத்தை ஏற்படுத்து கின்றன. இப்படி கடலு்க்கடியில் பூகம்பம் ஏற்பட்டு கடல் நீரானது நாட்டிற்குள் புகுவதைதான் சுனாமி என்று நாம் சொல்கிறோம்.
கடலு்க்கடியில் பூகம்பம் சுனாமி யாவது எப்படி

உலகில் பூமியில் பல லட்சம்ஆண்டுகளுக்கு முன்பு ஒரே பிளேட்டாகத்தான் இருந்தது. அப்புறம் காலப்போக்கில் பல கண்டங்களாக பிரிய நேர்ந்து அதன் தட்ப வெப்ப, இயற்கை சூழ்நிலை மாறுவதற்கேற்ப, பல்வேறு பிளேட்கள் உருவாகிவிட்டன. இப்படி உருவான பிளேட்கள் மீதுதான் ஒவ்வொர கண்டமும் இருக்கின்றன. நிலம் மற்றும் கடல் எல்லா வற்றையும் தாங்கிகொண்டிருப்பது இந்த பிளேட்கள் தான். இந்த பிளேட்களை 'டெக்டானிக் பிளேட்கள்' என்று புவியியல் நிபுணர்கள் சொல்கிறார்கள்.

கடலுக்கடியில் இருக்கக்கூடிய பூமியின் கடினமான பகுதி பூகம்பத்தினால் ஆட்டம் கண்டு அதனால் ஏற்படக்கூடிய மிகப்பெரிய விசையின் காரணமாக
கடல் நீர் தரைப்பகுதிக்கு வந்து பெரிய சேதத்தையும் சோகத்தையும் ஏற்படுத்துகிறது. சுனாமியின் வேகம் மிகவும் பயங்கரமானது. பூகம்பம் ஏற்படும் அளவைப் பொருத்து சுனாமியின் வேகம் பலமடங்கு அதிகரிக்க்கூடியது. சில மணி நேரங்களிலேயே மிகப்பெரிய அழிவை ஏற்படுத்தக்கூடிய வல்லமையுடையது சுனாமியாகும். ஒரு பெரிய அலை வந்து தரையை தாக்கிய பின்பு தொடர்ந்து நீர் அலைகள் தொடர்ந்து வ்நது முன்னேறி கொண்டே இருக்கும். சுனாமி அலைகளின் உயரத்திற்கேற்ப அதன் சேத்தின் அளவு இருக்கும்.

சுனாமியினால் நீர் தரைப்பகுதிக்கு வருகிறது. இப்படி கடல் அலையின் மூலம் நீரானது இடம் பெயர்வதால் முன்னர் நிலப்பகுதியாக இருந்தவை நீராகவும் நீர்ப்பகுதி நிலமாகவும் மாற வாய்ப்புண்டு.

கடல்பரப்புக்கு கீழே கண்ணுக்கு தெரியாத சிறிய அளவில் சுனாமி உருவாகும் அந்தப் பகுதியில் இருக்கும் கப்பலில் இருப்பவர்கள் கூட உணரமடியாதபடிதான் இந்த சுனாமி உருவாகுமாம். அப்புறம்தான் சில நிமிடங்களிலேயே இந்த சுனாமி மிக்ப்பெரியளவில் உருவாகி கடல்பரப்பு முழுவதும் வேகமாக பரவி செல்லுமாம். இநத சுனாமி ஒரு அலையால் மட்டும் ஏற்படுவது அல்ல. பல அலைகளாக உருவாகி கடல் பரப்பு முழுதும் பரவி கரையை நோக்கி மணிக்கு 1000கிமீ வேகத்தில் சீறி பாயும் தன்மையுடையது இதுவாகும். இந்த அலைகளின் வேகம் ஜெட் விமானத்தை விட அதிகமாகஇருக்குமாம்.

கடல் தண்ணீர் வெள்ளமென புற்பபட்டு தரையை நோ்க்கி வந்து எல்லா பொருட்களையும் அடித்து துவம்சம் செய்துவிட்டு திரும்பவும் கடலுக்கே செல்லுமபோது யாரும் தப்பிக்க முடியாதாம். அனைவரையும் அனைத்து பொருட்களையும் அடித்துக்கொண்டு போய் விடும்.
சுனாமியின் தன்மைகள்

சாதாரண கடலலைகளுக்கும் சுனாமி எனப்படும் ஆழிப் பேரலைகளுக்கும் மிகுந்த வேறுபாடு உண்டு. சாதாரண அலை, நிலவின் ஈர்ப்பு சக்தியால் உருவாகிறது. ஆனால் ஆழிப் பேரலை கடல் தட்டில் ஏற்படும் திடீர் மாற்றத்தால் உண்டாகும். அதுபோல. சாதாரண அலைகள் 5 முதல் 10 வினாடிகளே நீடிக்கும். 100 முதல் 200 மீட்டர் மட்டுமே அகலம் கொண்டதாக இருக்கும். ஆனால், சுனாமி 10 நிமிடம் முதல் 2 மணினேரம் வரை நீடிக்கும்.அதன் அகலம் சுமார் 500 கி.மீட்டரையும் தாண்டும். அதன் அகலமே பேரழிவுக்குக் காரணம்.

அதே போல ஆழ் கடலில் எந்தத் தடையுமின்றி பயணம் செய்யும் ஆழிப்பேரலையின் வேகம் மணிக்கு 890 கி.மீட்டரையும் தாண்டும். இது ஜெட் விமானத்தின் வேகமாகும்.

5000 மீட்டர் ஆழமுள்ள பசிபிக் பெருங்கடலில் 890 கி.மீட்டர் வேகத்தில் நடக்கும் பேரலை 1000 மீட்டர் ஆழமுள்ள கடலில் 350 கி.மீட்டர் வேகமாக மட்டுப்படும். ஆழம் குறையக் குறைய வேகம் குறையும். ஆனால் உயரம் கூடிவிடும். எனவே பெருங்கடலில் ஏற்படும் சுனாமி ஒரு கண்டம் விட்டு மற்றொரு கண்டம் ஒரு மணி நேரத்தில் கடந்துவிடு.

பசிபிக் பெருங்கடலில் 1900 - 2001 வரை சுமார் 800 தடவை சுனாமி ஏற்பட்டுள்ளது.

ஆழ் கடலில் பேரலையின் உயரம் கடல் மட்டத்திலிருந்து சில அடி உயரமே இருக்கும். அங்கு பயணம் செய்யும் கப்பலில் இருப்பவர்களால் கூட அதை உணர முடியாது. விமானத்திலிருந்து பார்த்தாலும் சாதாரணமாகவே தோன்றும்.

ஆழ்கடலிலிருந்து கடற்கரை ஏறுமுகமாக சாய்வாக இருப்பதால் மிகப்பெரும் தொகுப்புள்ள நீரின் வேகம் மட்டுப்படுத்தப்பட்டு உயரம் அதிகரிக்க ஆரம்பிக்கிறது. பின்னர் கரையை வந்தடையும் போது 30 மீட்டர் உயரம்வரை எழும்பி சீறி நிலத்தில் புகுந்து விடுகிறது. எனவே சுனாமியால் ஏற்படும் தாக்குதல் பேரழிவைத்தவிர ஒன்றுமில்லை.

அமெரிக்காவின் அலெஸ்காவில் 1985ம் ஆண்டு தாக்கிய சுனாமியின் உயரம் அரை கிலோமீட்டராகும். அலைத் தொடர்கள் 10 நிமிடம் முதல் 45 நிமிடம் வர தொடர்ந்து தாக்கியது.

இங்கு ஒன்றை கவனிக்க வேண்டும் சுனாமி அலையின் வேகம் நில அதிர்வலையின் வேகத்தைவிடக் குறைவுதான். எனவே தான் ஆழிப்பேரழை வந்து தாக்குவதற்கு 2.30 மணி நேரத்திற்கு முன்பே
நம்மால் நில அதிர்வை உணர முடிகிறது.

உலகில் ஏற்பட்ட சுனாமி தாக்குதல்கள்

: இதுவரை உலகில் சுனாமி அலைகளின் தாக்குதலால் ஏராளமான உயிர் மற்றும் பொருட்சேதம் ஏற்பட்டுள்ளது. அவை:

1700, ஜனவரி: அமெரிக்காவின் வடக்கு கலிபோர்னியா, ஓரிகன், வாஷிங்டன் மற்றும் கொலம்பியா நகரங்களை பூகம்பம் தாக்கியது. இது ரிக்டர் அளவுகோளில் 9 புள்ளிகள் இருந்தது. இதனை தொடர்ந்து ஜப்பானை சுனாமி தாக்கியது.

1730, ஜூலை: சிலி நாட்டில் ரிக்டர் அளவில் 8.7 புள்ளிகள் கொண்ட பூகம்பம் ஏற்பட்டது. இதில் 3 ஆயிரம் பேர் பலியானார்கள்.

1755, நவம்பர்: போர்ச்சுகல் தலைநகர் லிஸ்பனில் ரிக்டர் அளவில் 8.7 புள்ளிகள் கொண்ட பூகம்பம் ஏற்பட்டது. இதன் தொடர்ச்சியாக ஏற்பட்ட சுனாமியால் 60 ஆயிரம் பேர் பலியானார்கள்

1868, ஆகஸ்ட்: சிலியில் ரிக்டர் அளவில் 9 புள்ளிகள் கொண்ட பூகம்பம் ஏற்பட்டது. இதன் காரணமாக தோன்றிய சுனாமி அலைகள், தென் அமெரிக்காவை தாக்கின. இதில் 25 ஆயிரம் பேர் இறந்தனர்.

1906, ஜனவரி: ஈகுவெடார் மற்றும் கொலம்பியா கடற்கரையில் ரிக்டர் அளவில் 8.8 புள்ளிகள் கொண்ட பூகம்பம் ஏற்பட்டது. அதனை தொடர்ந்து ஏற்பட்ட சுனாமியில் 500 பேர் சிக்கி பலியானார்கள்

1946, ஏப்ரல்: யுனிமாக் தீவுகளில் ரிக்டர் அளவில் 8.1 புள்ளிகள் கொண்ட பூகம்பம் ஏற்பட்டது. இதன் காரணமாக அலாஸ்காவை சுனாமி அலைகள் தாக்க, 165 பேர் பலியானார்கள்.

1960, மே: தெற்கு சிலியில் ரிக்டர் அளவில் 9.5 புள்ளிகள் கொண்ட பூகம்பம் ஏற்பட்டது. இதனை தொடர்ந்து ஏற்பட்ட சுனாமியில் சிக்கி 1,716 பேர் பலியானார்கள்.

1964, மார்ச்: அமெரிக்காவின் பிரின்ஸ் வில்லியம் சவுண்டு பகுதியில் 9.5 ரிக்டர் அளவு பூகம்பம் ஏற்பட்டது. இதன்காரணமாக அலாஸ்காவை சேர்ந்த 131 பேர் பலியானார்கள். 128 பேர் சுனாமியில் சிக்கி இறந்தனர்.

1976, ஆகஸ்ட்: பிலிப்பைன்ஸ் நாட்டில் 9.2 ரிக்டர் அளவு பூகம்பம் ஏற்பட்டது. இதன் தொடர்ச்சியாக சுனாமி தாக்கி 5 ஆயிரம் பேர் பலியானார்கள்.

2004, டிசம்பர்: இந்திய பெருங்கடலில் ரிக்டர் அளவில் 9 புள்ளிகள் கொண்ட பூகம்பம் ஏற்பட்டது. இதனை தொடர்ந்து சுனாமி அலைகள் இந்தியா, இலங்கை உள்ளிட்ட நாடுகளை தாக்கியது. இதில் பல்வேறு நாடுகளை சேர்ந்த 2 லட்சத்து 30 ஆயிரம் பேர் பலியானார்கள்.

2007, ஏப்ரல்: சாலமன் தீவுகளில் 8.1 புள்ளிகள் கொண்ட பூகம்பம் ஏற்பட்டது. பின்னர் ஏற்பட்ட சுனாமியில் சிக்கி 28 பேர் பலியானார்கள்.

2009, செப்டம்பர்: தெற்கு பசிப்பிக் பகுதியில் ரிக்டர் அளவில் 8 புள்ளிகள் கொண்ட பூகம்பம் ஏற்பட்டது. பின்னர் ஏற்பட்ட சுனாமியில் சிக்கி 194 பேர் பலியானார்கள்.

2010 ஜனவரி: ஹெய்தியில் ரிக்டர் அளவில் 7 புள்ளிகள் கொண்ட பூகம்பம் ஏற்பட்டது. இதில்சுமார் 3 லட்சம் பேர் பலியானார்கள்.

அக்டோபர்: இந்தோனேசியாவில் சுனாமி மற்றும் எரிமலை சீற்றத்தால் 500 பேர் பலியானார்கள்.

2011, மார்ச்: ஜப்பானில் ரிக்டர் அளவில் 8.9 புள்ளிகள் கொண்ட பூகம்பம் ஏற்பட்டது. இதனை தொடர்ந்து ராட்சத சுனாமி அலைகள் ஜப்பானை தாக்கியது.

எப்படி சமாளிக்கிறது ஜப்பான்?

ஆசிய பசிபிக் பிராந்தியத்தில் வளர்ந்த நாடான ஜப்பான், அடிக்கடி நிலநடுக்கத்தால் பாதிக்கப்பட்டு வருகிறது. இதனால், நிலநடுக்கத்தை எதிர்கொள்ளும் வகையில், அங்கு பல்வேறு நடவடிக்கைகள் எடுக்கப்பட்டன. அவை பெரும ளவில் பயனளித்து வருகின்றன.

* 1952ல் ஜப்பான் வானிலை மையத்தால் (ஜே.ஏ.எம்.,) சுனாமி எச்சரிக்கை சேவை துவங்கப்பட்டது.

*பசிபிக் பிராந்தியத்தில் இயங்கி வரும், ஆறு கண்காணிப்பு மையங்களில் இருந்து நிலநடுக்கம் மற்றும் சுனாமி பற்றிய தகவல்களை, இந்த எச்சரிக்கை மையம் பெற்று உரிய நேரத்தில் அரசுக்குத் தகவல் அளிக்கும்.

*நிலநடுக்கம் ஏற்பட்ட மூன்றே நிமிடங்களுக்குள் சுனாமி எச்சரிக்கையையும் ஜே.ஏ.எம்., விடுக்கும்.

* அதையடுத்து தேசிய ஒளிபரப்பு நிலையமான என்.எச்.கே., நிலந டுக்கம் மற்றும் சுனாமி பற்றிய தகவல்களை விரிவாக வெளியிடும்.

* நகரங்கள் மற்றும் சிறிய நகரங்களில், பொது இடங்களில், அவசர அறிவிப்புக்காக ஒலிப் பெருக்கிகள் பொருத்தப்பட்டுள்ளன. இவை மூலம் மக்கள் உஷார் படுத்தப்படுவர்.

*நிலநடுக்கம் ஏற்பட்டால் மேசைகளுக்கு அடியில் ஒளிந்து கொள்ள வேண்டும் என்பது போன்ற, முதற்கட்ட பாதுகாப்பு நடவடிக்கைகள் குழந்தைகளுக்கு சொல்லிக் கொடுக்கப்பட்டுள்ளன. குடியிருப்புகளுக்கு அருகில், நிலநடுக்கப் பாதுகாப்பு மையங்கள் எங்கெங்கு உள்ளன என்று இளைய தலைமுறையினருக்கும் தெரிவிக்கப்பட்டுள்ளது.

* அதேபோல், கடுமையான நிலஅதிர்வைத் தாங்கும் வகையில் அடுக்குமாடிக் கட்டடங்கள், குடியிருப்புகள், வீடுகள் வடிவமைக்கப் படுகின்றன. வழக்கமான செங்கல், மணல் அல்லாமல் ரப்பர், பைபர் போன்றவற்றாலும் வீடுகள் கட்டப்படுகின்றன. இதனால் உயிர் மற் றும் பொருள் சேதம் குறைக்கப்பட்டுள்ளது.

* கடுமையான அதிர்வு ஏற்படும்போது, புல்லட் ரயில் சேவைகள் மற்றும் அணு உலைகள் தானியங்கி முறை மூலம், உடனடியாக இயக்கத்தை தற்காலிகமாக நிறுத்தி விடும்.

சுனாமியை பற்றி நன்கு அறிந்திருந்த ஜப்பானுக்கே இந்த நிலை என்றால் , ௨௦௦4 இந்தியாவை சுனாமி தாக்கு வதற்கு முன்புவரை சுனாமி என்ற வார்த்தையே அறிந்திருக்காத நாம் ௨௦௦4 சுனாமியில் இருந்து கற்ற அநு பவமும் , மேற்கொண்டிருக்கும் முன்னெச்சரிக்கை முயற்சிகளும் நம்மை இன்னொரு சுனாமியில் இருந்து பாதுகாக்க போதுமனவைதானா? செல்லிட பேசி . கணணி , தொலைக்காட்சி , என உலகின் எந்த தொழில் நுட்ப வளர்ச்சியையும் அமெரிக்கா போன்ற நாடுக்களுக்கு இணையாக பெற்றுவிட்டோம் என மார்தட்டிகொள்ளும் நாம், பேரிடர் களை தவிர்பதர்க்கும் ,பேரிடர் களில் இருந்து மீள்வதற்கும் போதுமான பயிற்சியும் தொழில் நுட்பமும் பெற்று விட்டோமா என்பதே வலை தல நனபர்கள் முன் அறிவியல் பார்வை எழுப்பும் கேள்வி ?

2011, மார்ச் ஜப்பான் சுனாமி ஜப்பானுக்கு இது இன்னொரு ஹிரோசிமா நா ஹா சஹியோ ?

2011, மார்ச் ஜப்பான் சுனாமி

ஜப்பானுக்கு இது இன்னொரு ஹிரோசிமா நா ஹா சஹியோ ?

சுனாமி என்றால் என்ன?

2011, மார்ச் ஜப்பான் சுனாமி ஜப்பானுக்கு இது இன்னொரு ஹிரோசிமா நா ஹா சஹியோ ?

2011, மார்ச் ஜப்பான் சுனாமி

ஜப்பானுக்கு இது இன்னொரு ஹிரோசிமா நா ஹா சஹியோ ?

சுனாமி என்றால் என்ன?

2011, மார்ச் ஜப்பான் சுனாமி ஜப்பானுக்கு இது இன்னொரு ஹிரோசிமா நா ஹா சஹியோ ?

2011, மார்ச் ஜப்பான் சுனாமி

ஜப்பானுக்கு இது இன்னொரு ஹிரோசிமா நா ஹா சஹியோ ?

சுனாமி என்றால் என்ன?

2010-10-27T04:02:00.000-07:00

இயற்கை விவசாயத்திலும்,

நகர வீட்டுத்தோட்டம் அமைப்பதிலும் புதிய உலகை படைப்பதிலும்

கியூபாக்கு நிகர் உலகில் வேறு நாடு இல்லை

மேலைநாட்டு விவசாய, பொருளாதார, சமூக அறிஞர்கள் ஆர்வமுடன் நோக்கும் நகரம்
ஹவானா. சிறந்த ‘நகர விவசாயத்திற்கு’ பெயர் பெற்றது.

1991 ஆண்டு சோவியத் யூனியன் சிதறிய போது சோவியத் யூனியனிலிருந்து
இறக்குமதி செய்த சுமார் 90000 டிராக்டருக்கு தேவையான டீசல், இரசாயன உரம்
மற்றும் பூச்சிகொல்லி மருந்துகளுக்கு தட்டுப்பாடு காரணமாய் விவசாய
உற்பத்தியில் மிக மோசமான வீழ்ச்சியை கண்டது கியுபா. அவர்களின் முக்கிய
ஏற்றுமதியான சர்க்கரை (கரும்பு விவசாயம்) பாதிக்கப்பட்டது. அமெரிக்காவின்
கடும் பொருளாதாரத் தடையும் சேர்ந்து கொண்டதால் உணவு தட்டுபாடு ஏற்பட்டு
நாட்டின் பொருளாதாரம் பெரும் வீழ்ச்சியை காண துவங்கியது. அதனை தடுத்து
நிறுத்தும் முயற்சியில் இருக்கின்ற வளங்களைக் கொண்டு அங்கக வேளாண்மையில்
துவங்கி இன்று ஹவானா நகரம் தனக்கு தேவையான காய்கறிகளில் 80% நகர விவசாயம்
மூலம் உற்பத்தி செய்கிறது. தனியார் தோட்டம்(huertos privados), அரசாங்க
பொதுநிலத்தில் தனியார் (அல்) கூட்டுறவு தோட்டம்(huertos populares),
அரசாங்க தோட்டம்(organicponicos),என பிரித்து தங்களின் உழைப்பை தந்து
தன்னிறைவு பெற்றுள்ளனர். நாமும் இதற்கான சிறு முயற்சியை மேற்கொண்டால்
நாம் உயர்வதுடன் உலக சுற்றுச்சுழலுக்கும் நன்மை செய்தவர்களாகின்றோம்.

2010-02-23T05:08:00.000-08:00

புகை உயிருக்கு பகை

புகைபிடிக்கின்றவர்கள் தங்கள் பெற்றோரின் அல்லது தனது உழைப்பின் கனியாக கிடைத்த வருமானத்தை புகையாக்குகின்றோம் என்று நினைப்பதில்லை. புகைப்பது உடல் நலத்திற்கு கேடு என்ற எச்சரிக்கையை மதிப்போரும் இல்லை. புகையிலையில் இருந்து வெளியாகும் புகையில் சுமார் 250 வகையான நச்சுத்தன்மை கொண்ட வாயுக்கள், இரசாயனங்கள், பாதிப்பை உருவாக்கும் உலோகங்கள் அடங்கியிருக்கின்றன. இவை புகைபிடிப்போரை பாதிக்கும் என சொல்லத்தான் வேண்டுமா. ஆனால் புகைப்பிடிப்பதன் மூலம் உட்கொள்ளப்படும் நிக்கோட்டின் நச்சுப்பொருள் ஒருவரின் வாழ்நாளில் எந்த பருவத்தில் அறிமுகமானால் அதிக கேடுவிளைவிக்கும் என்பது பலருக்கும் தெரியாது. இது தொடர்பாக, டீன் ஏஜ் எனப்படும் பதின்ம வயதில் புகைபிடிக்கும் பழக்கம் ஏற்பட்டால் பிந்தைய வாழ்க்கையில் ஏற்படும் விளைவுகள் என்ன? சில காலம் மட்டுமே புகைபிடித்த பின்னர், அப்பழக்கத்தை கைவிட்டு விட்டால் பாதிப்புகள் இருக்குமா? எத்தகைய பாதிப்புகள் வெளிப்படும்? என்பதை அறியும் விதமான புதிய ஆய்வொன்றை அமெரிக்காவின் புளோரிடா மாநில பல்கலைக்கழகம் நடத்தியது. பதின்ம வயதில் புகைபிடிப்போர் தங்களுடைய பிந்தைய வாழ்க்கையில் நீண்டகால பாதிப்புகளை பெறுவர் என்பது ஆய்வில் தெரியவந்துள்ளது. புகைபிடிக்கின்றபோது அந்த புகையிலையில் உள்ள நிக்கோட்டின் என்ற நச்சுப்பொருள் உடலில் படிகிறது. பதின்ம வயதிலேயே ஒருவர் நிக்கோட்டினுக்கு அறிமுகமானால், அது பண்புகளை சீர்குலைக்கும் நீண்டகால நரம்பியல் பாதிப்புகளை அவரில் ஏற்படுத்தும். மேலும், மிக குறைந்த அளவில், சில காலம் மட்டுமே நிக்கோட்டின் எடுத்திருந்தால் கூட பிந்தைய வாழ்வில் நமது பண்புகள் சீர்குலைக்கப்படும் என்பதையும் இந்த ஆய்வு அறிய தருகிறது.
இதனை சோதனை எலிகள் மூலம் அறிவியலாளர்கள் ஆய்வு செய்து கண்டறிந்தனர். நிக்கோட்டின் வாழங்கப்பட்ட சிறிய எலிகள், வளர்ந்த பின்னர் மகிழ்ச்சி குறைவான, அழுத்த உணர்வுகளுக்கு ஆளான அறிகுறிகளை வெளிப்படுத்தியதாக புளோரிடா மாநில பல்கலைக்கழக உளவியல் பேராசிரியர் Carlos Bolanos தெரிவித்தார். விலங்குகளை தாக்குவது போன்று, நிக்கோட்டின் மனிதர்களையும் தாக்கும் என்று இந்த ஆய்வு மூலம் தெரிவிக்கப்படுகிறது.
பல்கலைக்கழக ஆய்வாளர்கள் நச்சுப்பொருளான நிக்கோட்டினை 15 நாட்களாக, நாளுக்கு இரண்டு முறை, சிறிய எலிகளுக்கு வழங்கினர். அத்தகைய சிகிச்சை நாட்கள் முடித்த பின்னர், அழுத்தமிக்க அவசர சூழ்நிலைகளில் அவற்றின் செயல்பாடு மற்றும் கைமாறு கிடைக்கும் செயல்களுக்கு அவற்றின் மறுமொழி ஆகியவற்றை ஆராய்ந்தனர். இவற்றை கண்டறியும் விதமாக சிறப்பாக வடிவமைக்கப்பட்ட பல்வேறு சோதனைகளை அவர்கள் நடத்தினர். நிக்கோட்டின் வழங்கப்பட்ட ஒரு வாரத்திற்கு பின்னர் அழுத்த உணர்வுகளின் அறிகுறிகள் அவற்றின் பண்புகளில் மாற்றங்களாக வெளிப்பட்டதை கண்டறிந்தனர். தங்களை அடிக்கடி சுத்தப்படுத்தி கொண்டன. வழக்கத்திற்கு மாறாக, சுவையான பானங்கள் வடிவில் வழங்கப்பட்ட கைமாறுகளை குறைவாகவே உண்டன. அவசரமான இக்கட்டான சூழ்நிலைகளில் தப்பி செல்ல முயற்சிக்காமல், அசையாமல் அமைதியாக இருந்தன. நிக்கோட்டின் ஒரு முறை மட்டுமே வழங்கப்பட்ட எலிகளில் கூட நீண்டகால பாதிப்புகள் தொடர்ந்தது ஆய்வாளர்களுக்கு அதிர்ச்சியளிப்பதாக அமைந்தது.
இந்த எலிகளுக்கு மருந்துகள் வழங்கி தற்காலிக நிவாரணம் வழங்க ஆய்வாளர்களால் முடிந்தது. இந்த மருந்துகள் சற்று அதிக அளவிலான நிக்கோட்டினை கொண்டவை என்பது குறிப்பிடத்தக்கது. சிறிய எலிகளை போலவே வளர்ந்த எலிகளுக்கும் நிக்கோட்டின் வழங்கப்பட்டு ஆராயப்பட்டது. ஆனால் அழுத்த உணர்வுகளின் அறிகுறிகள் அவற்றில் அதிகமாக வெளிப்படவில்லை. அப்படியானால் வளருகின்ற எலிகள் நிக்கோட்டின் நச்சுப்பொருளால் அதிகமாக பாதிக்கப்படுவது இதன் மூலம் தெரியவந்துள்ளது. அதுபோல மனித மூளையிலுள்ள பல நரம்புகளின் தகவலனுப்பும் அமைப்புகள் ஒருவரின் பதின்ம வயதில் தொடர்ந்து வளர்ச்சியடைவதால், அந்த பதின்ம பருவத்தில் உட்கொள்ளப்படும் நிக்கோட்டின் அதிகமான எதிர்மறை பாதிப்புகளை இந்த தகவலனுப்பும் அமைப்புகளில் ஏற்படுத்துகின்றன. எனவே தான் பதின்ம வயதிற்கு பிந்திய வாழ்க்கை செயல்பாடுகள் அனைத்தும் பாதிக்கப்படுகின்றன. இந்த பாதிப்பு ஏற்படும் முறை பற்றிய மேலதிக ஆய்வுகள் தேவை எனவும் ஆய்வு முடிவுகளில் தெரிவிக்கப்பட்டுள்ளது.
புகைபிடித்தலுக்கும் பண்புகளின் சீர்குலைவிக்கும் தொடர்பு இருப்பதாக அறிவியலாளர்கள் முன்பே அறிந்திருந்தனர். ஆனால், மனித பண்புகளை பாதிக்கின்ற காரணிகள் பல இருப்பதால், புகைபிடித்தல் பண்புகளில் சீர்குலைவை ஏற்படுத்தும் என குறிப்பிட்டு கூறமுடியவில்லை. புகைபிடித்தல் மன அழுத்த அறிகுறிகளை உருவாக்கலாம் என்றும், அந்த அறிகுறிகளை போக்கும் விதமாக புகைபிடித்தலை தொடர்ந்து, அப்பழக்கத்திற்கு அடிமையாகும் ஆபத்து அதிகரிக்கும் என்ற கருத்திற்கு ஆதரவாக இந்த ஆய்வு முடிவுகள் உள்ளன. அதாவது புகைபிடிப்பதை நிறுத்திவிட்டால் தனது உடலளவில் ஏற்படும் மாற்றங்களை போக்க அனைவரும் எண்ணுவர். இருமல், கைநடுக்கம் உள்ளிட்ட அழுத்த உணர்வுகளின் பல அறிகுறிகளிலிருந்து உடனடியாக விடுபட மீண்டும் புகைபிடித்தால் போதும் என்ற எண்ணம் மேலோங்குகிறது. இவ்வாறு தொடர்வதால் புகைபிடிக்கும் பழக்கத்திற்கு அவர்கள் அடிமையாகி அதிலிருந்து மீள்வது கடினமாகிறது.
பதின்ம வயது இளைஞர்களுக்கு புகைபிடிக்காதீர்கள், புகைபிடிக்க ஒரு முறை கூட முயற்சிக்க வேண்டாம் என்பதே இந்த ஆய்வின் செய்தியாக உள்ளது. எப்போதாவது புகைபிடித்தால் கூட, அது நீண்டகால பாதிப்புகளை கொண்டு வரும் என்பதை நினைவில் வைத்து கொள்ளவும். பெரியோர் புகைப்பிடித்து விட்டு தூக்கிஎறியும் துண்டுகளை யாருக்கும் தெரியாமல் எடுத்து புகைக்க நினைக்கும் பதின்ம வயதினருக்கு இந்த ஆய்வு ஓர் எச்சரிக்கை. வாழ்வை புகையாக்கும் புகை பழக்கம் நமக்கு வேண்டாமே. புகை நமக்கு பகை.

நன்றி :- அறிவியல் செய்திகள்

நியாய‌மான‌ கோப‌ம்

2008-08-11T04:48:00.000-07:00

நியாய‌மான‌ கோப‌ம்
குரு‌ச‌ய்யாப‌ட்டி யை விட்டு வெளியே வ‌ந்த‌ பின்பும் ச‌க்திக்கு கோப‌‌ம் தீர்ந்த‌ பாடில்லை,அவ‌னுட‌ன் வ‌ந்த‌ ப்ரபோச‌ர் எஸ்.ஜி.எ, ச‌க‌‌மாண‌வ‌ர்க‌ள் ,ஆர்த்தி,குரு,க‌லா என‌ எல்லோரும் எதை ப‌ற்றியோ பேசிக் கொன்டு வ‌ருகையில் ச‌க்தியின் எண்ண‌ ஓட்ட‌மோ குருச‌ய்யாப‌ட்டியையும் அ ந்த‌ இளைஞ‌ன் க‌திரேச‌னையும் அவ‌ன் ந‌ண்ப‌ர்க‌ளையும் தான் சுற்றிக் கொண்டு இருந்த‌து." பெரிய‌ ப‌டிப்பு ப‌டிச்சுட்டாணாம், ப‌த்தாவ‌து ப‌டிச்ச‌துக்கே பாரிஸ்ட‌ர் ப‌ட்ட‌ம் வாங்கின‌ மாதிரி துள்ளாரான்.. முட்டாள்.." ம‌ன‌துக்குள் முனு முனுத்தாலும் அவ‌னையும் அறியாம‌ல் க‌டைசி வார்த்தை கொஞ்சம் ச‌த்த‌மாக‌வே வெளி ப‌ட்ட‌து."யாரு ச‌க்தி முட்டாள்" அவ‌ன் கோப‌‌திற்கான் கார‌ண‌ம் புரிந்தாளும் புரியாதது போல‌ கேட்டாள் ஆர்த்தி,"ம்ம் அந்த‌ க‌திரேச‌ன் தான்.. என்ன‌ ஏதுன்னு ஒரு எழ‌வும் புரியாள‌னாலும்.. ...அவ‌ங்க‌ளுக்கு ந‌ல்ல‌து செய்ய‌தான் வ‌ந்திருக்கோமுன்னு தெரியாம‌. பெரிசா...கோப‌ ப‌டுறானுங்க‌" ச‌க்தி முடிப‌த்த‌ற்குள் "ஆர‌ம்பிச்சிட்டான்யா.. ஆர‌ம்பிச்சிட்டான்யா.." என்று அவ‌னின் கோப‌‌த்தை த‌னிக்க‌ முய‌ற்சித்தான் குரு,"ச‌க்தி அதை விட‌ மாட்டியா, குரு சும்மா இருடா," என‌ ஆர்த்தி அத‌ட்ட‌ ப்ரபோசரும் க‌லாவும் அடுத்து செல்ல‌ வேண்டிய‌ கிராம‌த் தை ப‌ற்றியும், இங்கிருந்து அத‌ன் தூர‌ம், ப‌ய‌ண‌ நேர‌ம் ப‌ற்றி பேசிக் கொண்டே ந‌ட‌ந்தன‌ர்.
ஆல‌ ம‌ர‌த்து பிள‌வு.. குருச‌ய்யாப‌ட்டியில் இருந்து 2 கிலோ மீட்ட‌ர்..இது ப‌ஸ் ஏற‌ வேண்டிய‌ இட‌ம்.. அவ‌ர்க‌ளின் ல‌க்கேஜ் க‌ளை இற‌‌க்கி வைத்து விட்டு உட்கார‌ ஏதுவான‌ இட‌ங்க‌ளில் உட்கார்ந்த‌ன‌ர்.யாரு க‌ண‌க்கெடுக்க‌ வ‌ந்த‌வ‌க‌ளா.. வ‌ந்த‌ வேல‌ ந‌ல்ல‌ ப‌டியா முடிஞ்சுதுக‌லா.." இந்த‌ ஊருக்குள்‌ள நுழையும் போது முத‌ளில் அறிமுக‌மான ஆடு மேய்க்கும் பிச்ச‌ய்யா தாத்தாவின் குர‌ல் இது,"க‌ண‌க்கெடுத்து கொண்டு போயீ என்ன‌ செய்வீங்க‌ சாரு..ஏதாவ‌து இந்த‌ ஏழை பாழைக‌ளுக்கு பிரியோச‌ன‌ம் இருக்குமா..தாத்தா கேள்விக‌ளை அடுக்கி கொண்டே போக‌ ச‌க்தி குறுக்கிட்டு ப‌தில் சொல்ல‌ தொட‌ங்கிணான்,"இங்க‌ பாருங்க‌ தாத்தா.. நாங்க‌ அர‌சாங்க‌ ஆளுங்க‌ இல்ல‌.. ம‌க்க‌ள் நிலைமைய‌ ப‌ற்றி ஆராய்ச்சி செய்து, இந்த‌ ம‌க்க‌ளுக்கு என்ன‌ என்ன‌ வ்ச‌திக‌ள் தேவைங்கிற‌‌த க‌ண்டு பிடிச்சி அது அதுக்கு பொறுப்பான‌ வ‌ங்க‌ கிட்ட‌ தெரிவிக்க‌ வ‌ந்து இருக்கோம்.. நாங்க‌ளாம் ஸ்டூட‌ன்ட்..ம்மாண‌வ‌ர்க‌ள்.." முடித்தான் ." எது எப்ப‌டியோ த‌ம்பி.. ஊருக்கு விடிவு கால‌ம் வ‌ந்தா போதும்..ஒரு ஆஸ்ப‌த்திரி இருக்கா.. த‌ண்ணி கொழா இருக்கா.. " புல‌ம்பிய‌ ப‌டியே தாத்தா ந‌க‌ர்ந்தார். " ந‌ல்ல‌ தாத்‌தா இல்ல‌ ச‌க்தி.. " இவ‌ருக்கு இருக்குற‌ தெளிவு கூட‌ அந்த‌ யூத்துங்க‌ளுக்கு இல்ல‌.. என்ன‌வா எகிறானுங்க‌..இவ‌னுங்க‌ ப‌டுற‌ க‌ஸ்ட‌த்துக்கெல்லாம்‌ என்ன‌மோ நாம் தான் கார‌ண‌ம் போல‌.." கோவ‌த்தை வார்த்தைக‌ளாய் கொட்டினான் ச‌க்தி. " விடு ந‌ண்பா..தெளிவு இல்லாத‌வ‌ன்னு நீயே சொல்லிட்டே , அவ‌ன் செய்தத்தை போயீ பெருசா பேசிக்கிட்டு..தோளில் கை போட்ட‌ ப‌டி கொஞ்ச‌ தூர‌ம் ந‌ட‌த்தி சென்றான் குரு. க‌லாவும் ஆர்த்தியும் பேராசிரிய‌ரை பார்த்த‌ ப‌டி "யேய் ச‌க்தி கைல‌ இருந்த‌ பேப்ப‌ரை பிடுங்கி க‌திரேச‌ன் வீசிய‌து தாம்பா ச‌க்திக்கு தாங்க‌ முடிய‌ல‌" ஆர்தி சொல்ல‌,"ஆம‌ம்பா... ஆனால் என்ன‌ க‌ண‌க்குன்னு கேட்ட‌தும் இவ‌ன் ஒழுங்கா ப‌தில் சொல்லி இருக்க‌னும்.. க‌திரெச‌னுக்கு ஒன்னும் தெரியாதுனு முடிவு ப‌ன்ன‌ இவ‌ன் யாரு.. அதான் அவ‌ன் டென்ச‌ன் அயிட்டான்" என்றாள் க‌லாரானி." இவ‌ங்க‌ளுக்கு ந‌ல்ல‌து செய்ய‌தான் வீட்ட‌ விட்டு குடும்ப‌த்த‌ விட்டு இவ்வ‌ளவு தூர‌ம் வ‌ந்திருக்கோம், அதை புறிஞ்சுக்காம‌,கேள்வி மேல‌ கேள்வி கேட்டு டிச‌ப்பாயின்ட் ப‌ன்னிட்டான் என்ப‌துதான் ச‌க்தியோட‌ வாத‌ம்..ஆர்த்தி சொல்லி முடிக்கும் பொது ச‌க்தியும் குருவும் அருகிள் வ‌ர‌வே "யேய் ச‌க்தி வ‌ற்ரான் டாபிக்க குளோஸ் ப‌ன்னு.." என்றாள் க‌லா.இருவ‌ரும் பேராசிரிய‌ரை நோக்கி வ‌ரும் போதே‌ " சார் ஆர்.டி.சி ப‌ஸ் ஈவ்னிங் 5 ஓ க்ளாக் தானாம்.. அதுக்கு முன்னாடி ரென்டு மூனு த‌னியார் ப‌ஸ் வ‌ருமாம் அந்த‌ ஊருக்குள்ள‌ போகுமா.. இல்லை பை பாஸ்ல‌ எற‌க்கி விட்டுடுவானா‌னு கேட்டு ஏற‌ சொல்லுறாங்க‌." என்ற‌ த‌க‌வளை தெரிவித்தான் குரு. " ஆமாம் வ‌ரும் போது ‌ ஆல‌ ம‌ர‌த்து பிள‌வுன்னு சொல்லி வ‌த்த‌ல‌ குண்டு பை பாஸுல‌ ஆல‌ ம‌ர‌த்து கிட்ட‌ ஏமாத்தி இற‌‌க்கி விட்டானெ அந்த‌ மினி ப‌ஸ் பேரு என்ன‌..வினாய‌க‌மோ... ராம‌னோ..யெப்பா அஞ்சி கிலோ மீட‌ட்ர் ந‌ட‌க்க‌ வ‌ச்சிட்டானெ பாவி.. ' என்றாள் ஆர்த்தி‌, " போகும் போதாவ‌து வெவ‌ர‌மா கேட்டு ஏற‌னும்" இது க‌லா,இதுவ‌ரை க‌ல‌க‌ கார‌ ஐன்ஸ்டின் புத்த‌க‌த்தில் மூழ்கி இருந்த‌ பேராசிரிய‌ர் த‌லையை உய‌ர்த்தி " அந்த‌ வேலைய‌ ச‌க்தி கிட்டெ ஒப்ப‌டைப்போம்..என்ன‌ ச‌க்தி ச‌ரியா" என்றார்.ச‌க்தி ப‌தில் ஏதும் சொல்ல‌ வில்‌லை குருச‌ய்யாப‌ட்டியில் அவ‌னுக்கும் க‌திரெச‌னுக்கும் ந‌ட‌ந்த‌ த‌ள்ளு முள்ளில் பேராசிரிய‌ர் ச‌க்தி ப‌க்க‌ம் இருந்த‌ நியாய‌த்தையேற்று கொள்‌ள‌ வில்லை என்ப‌த‌ற்காக‌வே இந்த‌ கோவ‌ம்,அவ‌ர் இவ‌ன் ப‌க்க‌ம் பேசி இருந்தால் ச‌க்தி ம‌ண்ணிப்பு கேட்க‌ வேன்டும் என்ற‌ நிலை வ‌ந்திருக்காது என்ப‌து ச‌க்தியின் எண்ண‌‌ம், ஆனாலும் பேராசிரிய‌ர் சொன்ன‌து போலவே அந்த‌ பொறுப்பை செய்து முடிப்பான் என்ப‌து எல்லோரின் ந‌ம்பிக்கை. ஒரு மினி ப‌ஸ் புழுதியை கிள‌ப்பிய‌ ப‌டி இர‌ண்டு மூன்று பேருடன் வ‌ந்த‌து, உட‌னே ச‌க்தி க‌ன்ட‌க்டரிட‌ம் சென்று விசாரித்தான்,அந்த‌ ப்ஸ் செல்லாதாம்,அடுத்த‌டுத்து இர‌ண்டு வ‌ண்டிக‌ள் வந்த‌து‌ அதுவும் செல்லாதாம். வ‌த்த‌ல‌ குண்டு என்று பொட்டு ஒரு ப‌ஸ் ச‌ரியாக‌ ஐந்து காலி இருக்கை க‌ளுட‌ன் வ‌ந்து ‌திரும்பி நின்ற‌து, அப்போது ச‌க்தி குழுவின‌ரை த‌விர‌ ஆறு ஏழு பேரு ப்ஸ்ஸுக்காக‌ காத்திருந்த‌ன‌ர், ச‌க்தி க‌ன்ட‌க்ட‌ரிட‌ம் சென்று விச‌ரிப்ப‌த‌ற்குள் ச‌க‌ ப‌ய‌னி ஒருவ‌ர் இவ‌ர்க‌ள் செல்ல‌ வேண்டிய‌ இட‌த்துக்கு போகும் என்று ப‌தில‌ளித்த‌ன‌ர் இருந்த‌ போதும் க‌ன்ட‌க்ட‌ரிட‌ம் கேட்டு ஆம் என்று ப‌தில் பெற்ற‌ பின்பே இவ‌ர்க‌ள் ஐவ‌ரும் ப‌ஸ்ஸில் ஏறின‌ர், அனைவ‌ருக்கும் சீட் கிடைக‌வே உட்கார்ந்து கொண்ட‌ன‌ர், ஆனால் ச‌க்தி இன்னொரு முறை போக‌வேண்டிய‌ இட‌த்தை சொல்லி க‌ன்ப‌ர்ம் செய்து கொன்டே சீட்டுக்கு சென்றான், ஆனாலும் க‌ன்ட‌க்ட‌ரின் ப‌திலில் திருப்தி அடைந்தார் போல‌ தெரிய‌வில்லை, கார‌ண‌ம் அவ‌ர்க‌ள் வ‌ரும் போது கூட‌ ஆல‌ ம‌ர‌த்து பிள‌வு என்று அழுத்‌த‌ம் திருத்த‌மாக‌ கேட்டு தான் ஏறினார்க‌ள்.அந்த‌ க‌ன்ட‌க்ட‌ராவ‌து போகும் என்று வாய் திற‌‌ந்து சொன்னார் ஆனால் இவ‌ரோ த‌லையை ம‌ட்டுமே ஆட்டிய‌தில் ச‌ந்தேக‌ம் வ‌லுக்க‌வே செய்த‌து, மீண்டும் ஒரு முறை கேட்டு விடுவ‌து என‌ முடிவு செய்து க‌ன்ட‌க்ட‌ரை நெருங்கி " அம்பாத்துரைக்குள்ள‌ போகுமா இல்லை மெயின் ரோட்டுல‌ விட்டுடுவீங்க‌ளா‌ " என்றான் இப்போதும் க‌ன்ட‌க்டர் த‌லையை அசைக்க‌வே கோவ‌ம் த‌லைக்கேறி "ஹ‌லோ போகுமா போகா‌தா வாய‌ திற‌ந்து சொல்லுங்க‌..." ப‌ஸ்ஸே அதிர‌ ச‌த்த‌ம் போட்டான், உட‌னே க‌ன்ட‌க்டர் " த‌லைய‌ அசைத்தா..ஆமாம்னு புரிய‌தா..ஆமாம் சார் அம்ப‌த்துரைக்கு தான் போறோம் வாங்க‌ சார்னு சொன்னாதான் புரியுமோ..." க‌ன்ட‌க்டர் ப‌திலுக்கு க‌த்தினார்,ச‌ந்தேக‌ம் தெளிந்த‌ வ‌னாய் "சாரி..மொத‌வே தெளிவா சொல்லி இருக்க‌லாமுல்ல‌..வ‌ரும் போது இபப்‌டிதான் இட‌த்‌த மாற்றி இற‌க்கி விட்டுடாங்க‌..அதான்.சாரி..""அத‌னால‌ என்ன‌ சார்..எதுக்கு சார் சாரி.. " இது க‌ன்ட‌க்டர், ,ச‌க்தி சீட்டுக்கு‌ வந்து உட்கார்ந்தான்,ப‌ஸ் புற‌ப்ப‌ட்ட‌து முன் சீட்டிலிருந்து திரும்பிய‌ பேராசிரிய‌ரிட‌ம் " சார் ஏதும் புக் கொடுங்க‌.. ப‌டிக்க‌.."ச‌க்தி கேட்டான்,ச‌க்தியின் முக‌த்தை பார்த்து புண்ண‌கைத்த‌ப‌டி "அதென்னா ஒரே ஒரு முறை ஏமாந்த‌ ந‌ம‌க்கு மீண்டும் யாரும் ஏமாத்திடுவ‌ங்க‌ளோ என்ற‌ ப‌ய‌த்துல‌ வ‌ர‌ கோப‌‌ம் நி‌யாய‌மான‌து..கால‌ம் கால‌மா ஏமாந்து கிட்டே இருக்குற‌வ‌ன், இப்ப‌த்தான் கேள்வி கேட்க‌ ஆர‌ம்பிச்சுருக‌க‌வ‌ன்.. கோப‌‌ப‌ட்டா ந‌ம்மால‌ பொறுத்துக்க‌ முடிய‌ல‌..ஏன் ச‌க்தி?.." ப‌தில் தெரியாம‌ல் த‌ய‌ங்கிய‌வ‌னிட‌ம் வென்ம‌ணி முத‌ல் தென்ப‌ரை வ‌ரை புத்த‌க‌த்தை நீட்டினார்.

கற்றது தமிழ்

2007-10-16T23:54:00.000-07:00

தமிழ் திரையில் மீண்டும் ஒரு புது முயற்சிபுது முக இயக்குனர் ராம் அவர்களுக்கு பாராட்டுக்கள்.(தேசத்தின் உண்மையான வளர்ச்சியை விரும்பாதவர்கள் தங்களுக்கு துணையாக அழைத்து வரும் பெயரை வைத்திரு ந்தாலும் ஒரு சமமற்ற வளர்ச்சியை (வீக்கத்தை)தன் காலடிப்பட்ட நாட்டில் எல்லாம் ஏற்படுத்தி வரும் உலக மயமாக்கலை சினிமாவிற்கென்றுள்ள தன்மைகளொடு சாடியுள்ள படைப்பு இது.தமிழ் ரசிகர்களெல்லாம் போன் போட்டு தங்கள் விருப்பதை தெரிவித்த மாதிரி "ரசிகர்கள் விரும்புவதை தான் நாங்கள் செய்கிறோம் என்று பேசிகொண்டு திரியும் சூப்ப்ர் ஸ்டார் கள் மத்தியில் இமேஜ் பறறி யோசிக்காமல் வெலுத்து வாங்கியுள்ளார் ஜீவா (இன்னொரு கமல்).
"இ ந்த பிரட்சனைக்கெல்லாம் தீர்வு என்னானு எனக்கு தெரியல ,தெரி ந்திரு ந்தா நான் இப்படி மாறி இருக்க மாட்டேன்" என்ற வசனம் இ நத பிரட்சனைகளையும் அதற்கான தீர்வுகளையும் நீண்ட காலமாக பேசிக் கோண்டிருக்கும் முற்போக்கு வாதி களின் குரல் இன்னும் பலமாக ஒலிக்க வேண்டும் என்பதை சுட்டி காட்டுகிறது.பிரட்சனைகளுக்கு ஆட்பட்டு தீர்வு தெரியாது செய்வது இனனதென்று தெரியாமல் பைத்திய காரர்களாய் நம் கண்முன் திரியும் எத்தனையோ பேரின் ஒருவன் தான் பிரபாகர்(அந்த பிரபாகரும் அப்படிதானொ)அவர் சந்திக்கும் பிரட்சனைகளும் அதற்கு அவர் அளிக்கும் தீர்புமே கதை.
தமிழ் திரையுலகு எததனையோ பைத்தியகாரர் படங்களை தந்துளளது.ஆனால் இந்த பைதியகாரர் " இ ந்தியா வின் சுத ந்திர தினத்தன்று கூட அமெரிக்க காரர்களுக்கு வேலை செய்து கொன்டு இருக்கும் எப்படியும் பில்கேட்ஸ் அளவுக்கு உயர் ந்திட வேண்டும் எனற நினைப்பில் திரியும் படி த்த பைத்த்யங்களை காட்டிலும், நம் நிலை யேன் இப்படி உள்ளது என்பது பற்றியெல்லாம் யோசிககாமல் 150 ரூபாய் டி சர்ட்,200 ரூபாய் ஜீன்ஸ் வாங்கி போட்டுக்கொண்டு தங்களை விஜய் சூரியா மாதிரி நினைத்து திரியும் நம்ம இளைஞர்களை காட்டிலும் மேல் . இ ந்த இரு தரப்பினரும் கற்றது தமிழ் ல இரு ந்து கற்று கொள்ள வேண்டியது ஒன்றே ஒன்று தான், உலக மயமாக்கலை எதிர்க்கும் படையில் அணித்திரள வேண்டும் இலலையேல் நம்மில் பலர் பைத்தியமாய் திரிய வேண்டிய கட்டம் வரும்.

2007-10-12T08:56:00.001-07:00

பல் வேறு வேலை காரணமாக பதிவுகள் வெளியிட இயலவில்லை. மீண்டும் உங்கள் ஆதரவுடன் பயணத்தை தொடர்கிறது... உங்கள் அறிவியல் பார்வை

உலகத்தின் கூரை

2007-07-21T02:44:00.000-07:00

இன்றைக்குள்ள மாணவர்கள் முதல் அவர்களது தாத்தாக்கள் வரை, உலகத்தின் கூரை என்றால், திபெத் என்று புவியியல் பாடத்தில் படித்திருப்பார்கள். கடல் மட்டத்துக்கு மிக உயரமான இடத்தில் அமைந்திருப்பதாலேயே திபெத்துக்கு இந்தப் பெயர்.
இது மட்டுமல்ல, வட துருவம் தென் துர்வம் தவிர்த்து மூன்றாவது துருவம் என்றும் திபெத் அழைக்கப்படுகிறது. கடல் மட்டத்திலிருந்து மிக உயரமான இடத்தில் இருப்பதால், இதன் தட்ப வெப்ப நிலை, எப்போதும் சிலு சிலுவென இருக்கும். பச்சைப் பசேலென்ற புல்வெளிகள், வானுயர நிற்கும் பனி மலைகள், ஒடையாய் உருவெடுத்து குதித்தோடி பாறையிலிருந்து கீழே விழும் நீர்விழ்ச்சிகள் என இயற்கை அண்ணையின் அழகான ஒரு அன்பளிப்பாய், கண்களுக்கு குளிர்ச்சியும், மனதுக்கு இதமும், உடலுக்கு புத்துணர்ச்சியும் தரும் நில அமைவை உடையது, திபெத்.
ஆனால் இன்றைக்கு சுருங்கிக்கொண்டிருக்கும் பனிமலைகள், உறைபனி நிலத்தின் உருகுதல், புல்வெளிகள் மஞ்சள் நிறமாதல், ஆறுகளின் வறட்சிமயமாக்கம் என திபெத்திலான உலக வெப்பமேறலின் பாதிப்புகளை ஆய்வு செய்வோர், பெரிதும் கவலைப்படுகின்றனர். அண்மையில் யாங்சு ஆற்றின் நதிமூலப்பகுதியிலான பனிமலைகள் எதிர்பார்த்ததை விட மிக வேகமாக குறைந்து வருகின்றன, சுருங்கி வருகின்றன என்கிறார் சீன அறிவியல் கழகத்தைச் சேர்ந்த லி யாஜியே. இவர் நான்சிங் புவியியல் மற்றும் நீர்நிலையியல் நிறுவனத்தைச் சேர்ந்த அறிவியலாளாவார்.
சிங்காய் திபெத் இருப்புப்பாதையில் பயணிப்பவர்களுக்கு வழியில் காணப்படும் யூசு மலை உள்ளிட்ட 15 பனிச்சிகரங்களை பார்ப்பது ஒரு மகிழ்ச்சிகரமான, சிலிர்ப்பான அனுபவமாகும். ஆனால் யூசு மலையின் மேற்கே பனிமலை பள்ளத்தாக்கு பகுதிக்குள் நுழையும்போது, தற்போது 5000 மீட்டருக்கு மேல் பனிமலை இருப்பதற்கான அறிகுறியே காணமுடியவில்லை. பனி மலைக்கு பதிலாக, சிறிய ஓடைகளாக நீருற்றுகள் வழிந்தோடுவதை காணமுடிகிறது. மலையின் மறுபக்கத்தில் பனி மலையின் மிச்சம் மீதியை காணமுடிகிறதாம். ஒரு மனிமலையின் மறைதல், உருகுதல், இல்லாமல் போதலுக்கு நான்கு நிலைகள் உண்டு. இந்தக் குறிப்பிட்ட பனிமலை அதில் நான்காவது, இறுதிக்கட்டத்தில் இருக்கிறது என்பது துயரமான சேதி என்கிறார் லி யாஜியே.
சிங்காய் திபெத் பீடபூமி 36 ஆயிரம் பனி மலைகளுக்குச் சொந்தக்காரி என்று புகழ்பெற்று விளங்கியது. 50 ஆயிரம் சதுர கி மீ பரப்பளவிலான் ஐந்த 36 ஆயிரம் பனி மலைகள், சீனாவின் முக்கிய நதிகளுக்கும், தென்கிழக்காசியாவின் முக்கிட நதிகளுக்கும் ஊற்றுமூலமாய் அமைந்து, நீரை வாரி வழங்கிக்கொண்டுள்ளன. ஆனால் கடந்த 100 ஆண்டுகளில், இந்தப்பனிமலைகளின் பரப்ப் 30 விழுக்காடு குறைந்துள்ளதாக மதிப்பிடப்பட்டுள்ளது. உலக வெப்பமேறலின் ஒரு தோராய மதிப்பீட்டின் படி தற்போதுள்ளதை விட 2 முதல் 4 டிகிரி செல்சியஸ் வரை வெப்பநிலை உயர்ந்தால், இந்தப் பனிபிரதேசத்தின் பரப்பளவு பாதியாகிவிடும் என்று எச்சரிக்கை தொனிக்க கூறுகின்றனர் அறிவியலர்கள்.
உலக வெப்பமேறலின் கசப்பான, கொடுமையான முரண்களில் ஒன்று, இப்படி பனிமலைகள் வெப்பத்தால் உருகினாலும் அது நீர் தேவை மற்றும் வினியோகத்துக்கு ஆக்கப்பூர்வ பங்காற்றாது என்பதே. பனி மலைகள் உருகியோடும்போது அதிகமான நீர், வெப்பமான தட்பவெப்ப நிலையால் ஆவியாகி விடுகின்றன.
மட்டும்மல்ல வெப்ப நிலையின் அதிகரிப்பு திபெத்தின் நில அமைவில் குழப்பங்களியும் ஏற்படுத்துகிறதாம். சிங்காய் திபெத் நெடுஞ்சாலை வழியே செல்லும் பயணிகள், கடந்த சில ஆண்டுகளாக, குண்டும் குழியுமான சாலைப் பகுதிகளால் அவதியுறுகின்றனர்.
கடல் மட்டத்திலிருந்து 4700 மீட்டர் உயரத்தில் உள்ள ஒரு சிறிய நகரமான உடாலிங் என்பதை உதாரணமாகக் குறிப்பிடலாம். இந்த சிறிய நகரத்தை ஒட்டிய நெடுஞ்சாலை பகுதி மிக மோசமான நிலையில் உள்ளது. அசுரபலம் கொண்ட ராட்சதர்கள், ராட்சத ஆயுதங்கள் கொண்டு தாக்கியது போல காட்சியளிக்கும் இந்த நெடுஞ்சாலை பகுதி, இயற்கையின் திருவிளையாடலால் அப்படி ஆனது என்றால் நம்பமுடிகிறதா. இயற்கையின் இந்த திருவிளையாடலின் பின்னணியில் மனிதனின் தன்னலத்தால் உருவான செயற்கைத்தனங்கள் அணி வகுத்துள்ளது வேறு கதை. புவியின் மேற்பரப்புக்கு கீழே உறைந்துள்ள பனிப்படலம் உருகுவதால், திடமான பனி திரவமாக, மேற்பரப்பில் போடப்பட்ட சாலை, குமுங்கிவிடுகிறது, ஆகவே குண்டும் குழியுமாக காட்சியளிக்கிரது.
இந்த உறைபனி உருகுதலால் கடல் மட்டத்திலிருந்து உயரமான இடத்திலுள்ள தாவர வாழ்க்கைச் சூழலும் பாதிக்கப்பட்டுள்ளதாக கூறப்படுகிறது.
கடந்த 40 ஆண்டுகளில் உலக வெப்பத்தாலும், நீராவியதலாலும் ஏற்பட்ட நீரின் இழப்பு இப்பகுதியிலான நீர் இருப்பை குறைத்து புல்வெளிகலை வறட்சிகாணச் செய்துள்ளது என்கிறார் சீன அறிவியல் கழகத்தின் பனி மற்றும் விளைநிலப் பிரதேச சுற்றுச்சூழல் மற்றும் பொறியியல் ஆய்வு நிறுவனத்தைச் சேர்ந்த அறிவியலாளர் லி யுவன்ஷுவோ.
கடந்த 15 ஆன்டுகளில் கடல் மட்டத்திலிருந்து உய்ரமான இடங்களிலுள்ள 15 விழுக்காட்டு புல்வெளிகளும், கால் பன்குதி சதுப்பு நிலங்களும் காணாமல் போயுள்ளன என்கிறார் லி யுவன்ஷுவோ.
சீனா உள்ளிட்ட பல நாடுகள் உலக வெப்பமேறலை தணிவுபடுத்த, வேகம் குறைக்க முயற்சிகளிஅ மேற்கொண்டுள்ளன. ஆனால் இந்த் அபிரச்சனையின் அளவு எவ்வளவு பெரிது என்றால், அனைத்து நாடுகளும் அனைத்து மக்களுன் இந்தப்பணியில் கைகோர்த்து செயல்படவேண்டும், அப்போதுதான் பயன் கிட்டும்.

மாபெரும் விஞ்ஞானி கலிலியோ

2007-07-13T00:39:00.000-07:00

மாபெரும் விஞ்ஞானி கலிலியோ--- இன்று விஞ்ஞானிகளுக்கு சமூக அங்கீகாரம் கிடைக் கிறது। அரசு மரியாதை செய் கிறது। அறிவியல் உலகத் திற்கு சிறந்த பங்களிப்பு செய் யும் விஞ்ஞானிகளுக்கு நோபல் பரிசு கூடக் கிடைக்கிறது। 16-17ஆம் நூற்றாண்டுகளில் வாழ்ந்த விஞ்ஞானிகளின் நிலைமை இவ்வளவு இனி மையாக இல்லை. அவர்க ளது கண்டுபிடிப்புகள் மதநம் பிக்கைகளுக்கு விரோதமான தாகக் கருதப்பட்டால் கண்டு பிடிப்புகளை அவர்கள் வெளி யிட முடியாது. மீறி வெளியிட் டால், அவர்களது உயிருக்கே கூட ஆபத்து காத்திருந்தது. இப் படிப்பட்ட சிக்கலை இந்த உலகம் கண்ட மாபெரும் விஞ்ஞானி கலி லியோ கலிலி தன் வாழ்நாளில் சந்தித்தார். நவீன விஞ்ஞானத்தை உருவாக்கியதில் அவரது பங்கு மகத்தானது. வானவியல், இயற் பியல் மற்றும் கணிதவியலில் அவரது கண்டுபிடிப்புகள் ஒரு அறிவி யல் புரட்சியையே ஏற்படுத்தின. ஆனாலும் மதவாதிகளின் தண் டனையை அவர் எதிர்கொள்ளவேண்டி வந்தது.

17 வயதிலேயே...
கலிலியோ 1564-ஆம் ஆண்டு இத்தாலி நாட்டின் பைசா நகரத் தில் பிறந்தார். 17 வயது சிறுவனாக இருக்கும்போது ஒரு நாள் சர்ச்சில் தொங்கவிடப்பட்டிந்த ஒரு விளக்கு காற்றில் ஆடுவதைக் கவனித்தார். அதன் அலைவீச்சு (ளறiபே) சிறிதாக இருந்தாலும் பெரிதாக இருந்தாலும் அது ஒரு கோடியிலிருந்து மறு கோடிக்குச் செல்ல ஒரே அளவு நேரத்தை எடுத்துக் கொள்வதாக அவருக் குத் தோன்றியது. அதை எப்படி சரிபார்ப்பது? வல்லவனுக்குப் புல்லும் ஆயுதம் என்று தெரி யாமலா சொன்னார்கள்? தனது நாடித்துடிப்பை வைத்தே தனது ஊகம் சரிதான் என்று கண்டு பிடித்தார். இப்ப டித் தான் அவர் ஊசலின் (ளiஅயீடந யீநனேரடரஅ) விதிகளைக் கண்டுபிடித்தார்.
25 வயதில் பைசா பல் கலைக் கழகத்தில் அவர் கணித விரிவுரையாளராகச் சேர்ந்தார். பண்டிதர்களின் மொழியான லத் தீனில் போதிப்பதற்குப் பதில் பாமர மொழியான இத்தாலி மொழியில் கற்பித்தார். 2000 ஆண்டுகளாகக் கொடிகட்டிப் பறந்துவந்த அரிஸ்டாட்டிலின் சில கருத்துக்களை கலிலியோ கேள்வி கேட்கத் தொடங்கினார். உதாரணமாக, இரண்டு பொருட் களை ஒரே நேரத்தில் கீழே விட்டால் கனமான பொருள்தான் தரை யை முதலில் வந்தடையும் என்பது அரிஸ்டாட்டிலின் ‘தத்துவம்.’ இதைத் தவறு என ஒரு சிறு பரிசோதனை மூலம் கலிலியோ நிரூபித்தார் (இது பற்றி அறிவியல் கதிரில் முன்னரே எழுதியிருக் கிறேன்). தொலைநோக்கியைக் கண்டுபிடித்தவரும் கலிலியோ தான். ‘சந்திரன் மிருதுவான உருண்டை வடிவப் பந்து’ என்பது அரிஸ்டாட்டிலின் கூற்று. “சந்திரனின் மேற்பரப்பு கரடுமுரடானது, மலைகளும் பள்ளத் தாக்குகளும் நிறைந்தது” என்று தொலை நோக்கி மூலம் கண்ட றிந்து சொன்னார் கலிலியோ. முதன்முதலில் தொலைநோக்கி மூலம் பால்மண்டலத்திலுள்ள பல புதிய நட்சத் திரங்களைக் கண்டு ஆச்சரியப்பட்டவரும் அவரே ; மற்றவர்களை ஆச்சரியப்படுத்திய வரும் அவரே.
பிரபஞ்சத்தின் மையம் பூமியா, சூரியனா..?
“பிரபஞ்சத்தின் மையம் பூமியே-ஏனெனில் அது அவ்வாறு தான் ஆண்டவனால் படைக்கப்பட்டிருக்கிறது” என்பது அக்காலத் திய நம்பிக்கை. அரிஸ்டாட்டில் மட்டுமல்ல, தாலமி என்ற வானவி யலாளரும் அப்படித்தான் கூறியிருந்தார். “ பிரபஞ்சத்தின் மையம் பூமியல்ல. சூரியன்தான் மையம். சூரியனைச் சுற்றியே பூமியும் மற்ற கிரகங்களும் வருகின்றன. சூரியன் நகருவதாகத் தோன் றுவது பூமியின் வேகத்தினால்தான்” என்பது கோபர்னிக்கஸ் என்ற ஜெர்மன் விஞ்ஞானியின் கண்டுபிடிப்பு. கலிலியோ கோபர்னிக் கஸின் கருத்துதான் சரி என்று நிரூபித்தார். ஆனால் கலிலியோ வின் இந்த `அதிகப் பிரசங்கித்தனங்களை’ சக விஞ்ஞானிகளே கூட ஏற்க மறுத்தனர்.
கோபர்னிக்கஸின் கருத்துக்களை ஆதரித்து கலிலியோ எழுதிய ‘னுயைடடிபரந’ என்ற புத்தகம் மிகப் பிரபலமா னது. பைபிளில் கூறப்பட்ட தற்கு மாறாக கலிலியோ வின் கருத்துக்கள் இருந் ததால் போப் முன் ஆஜ ராகி விசாரணையை அவர் எதிர் கொள்ள நேர்ந் தது. கலிலியோவுக்கு ஆயுள் தண்டனை விதிக் கப்பட்டது. பின்னர் அது வீட்டுச் சிறைவாசமாக மாற்றப்பட்டது. அவரது வயோதிக காலத்தில் ‘சர்ச்சைகளில் சிக்காத’ இயற்பியல் ஆராய்ச்சிகளில் ஈடுபட அவர் அனுமதிக்கப்பட்டார் ! 1638-இல் இரு கண்களும் தெரியாமல் போய்விட்டது. அந்த நிலைமையிலும் பெண்டுலத்தைப் பயன் படுத்தி கடிகாரத்தைக் கண்டுபிடித்தார் கலிலியோ. 1642-இல் இம்மண்ணுலகை விட்டு மறைந்தார். அவர் விட்ட இடத்திலிருந்து தொடங்கி மேலும் பல கண்டுபிடிப்புகளை உலகத்திற்குத் தந்தவர் சர் ஐசக் நியூட்டன்.
1992-இல்-கலிலியோ மறைந்து 350 ஆண்டுகள் கழித்து-கலிலியோவைத் தண்டித்தது தவறு என போப் ஏற்றுக் கொண்டு மன்னிப்புக் கோரினார்। அறிவியல் உண்மைகள் அவை வெளி யிடப்படும் காலத்தில் ஏற்கப்படாவிட்டாலும், என்றாவது ஒரு நாள் ஏற்கப்படும் என்பதற்கு கலிலியோவின் வாழ்க்கை ஓர் உதாரணம்
-- நன்றி-- பேரா. கே.ராஜு

உயிரனக் கலைக்களஞ்சியம்

2007-07-11T23:21:00.000-07:00

உயிரனக் கலைக்களஞ்சியம்
ஆங்கில வழி பயிற்றுவிப்பு பள்ளியில் படிக்கும்போது என்சைக்ளோபீடீயா என்ற சொல்லை ஆசிரியர் சொல்லி முதலில் கேட்டபோது, என்னடா இது தமிழ் வார்த்தைகளை சொல்கிறார் என்றுதான் முதலில் எங்களுக்கு தோன்றியது. எங்களுக்கு என்றால் எனோடு சேர்ந்த மற்ற சக மாணவர்களும். பொதுவாகவே என்சைக்ளோபீடியாவை கிண்டலாக என் சைக்கிளை பிடியா என்று நாம் சொல்லக் கேட்டிருப்போம். லத்தீன் மொழியில் என்சைக்ளோபீடியா என்றால் பொதுக் கல்வி என்று பொருள். ஆனால் இது என்குக்லியோஸ், பேய்டியா என்ற இரு கிரேக்க வார்த்தைகளிலிருந்து லத்தீனுக்கு வந்தது. கிரேக்க மொழியின்படி அந்த இரு வார்த்தைகளுக்கான பொருள் முழுமையான, பொதுவான கல்வி என்பதாகும்.
தமிழில் கலைக்களஞ்சியம் என்று கூறப்படும் இந்த என்சைக்ளோபீடியா, பல்வேறு தலைப்புகளிலான, பல்வேறு விடயங்களை பற்றிய தகவல் திறட்டாக, அறிவுக்களஞ்சியமாக விளங்குகிறது.
ஆக முழுமையான தகவல் திரட்டாக அமையும் இந்தக் கலைக்களஞ்சியம் ஆய்வாளர்களுக்கும், பல்கலைக்கழக மற்றும் பள்ளி மாணவர்களுக்கு உதவியாக அமைகின்றது. சொல்லகராதியில் சில சமயங்களில் நமக்கு புரியாத வார்த்தைகளை தேடி கண்டுபிடித்து விடமுடியும் என்பது உண்மைதான். ஆனால் அந்தச் சொல்லை பற்றிய கூடுதலான தகவல் அறிய விரும்பினால் நமக்கு உதவியாக வருவதுதான் கலைக்களஞ்சியம்.
மனித அறிவுக்கு புலப்பட்ட எல்லா விடயங்களையும் நாம் இந்த கலைக்களஞ்சியங்களில் காணமுடியும் என்று சொன்னால் அது உண்மையே. ஏன் மனித அறிவுக்கு இன்னும் புலப்படாத விடயங்களைக் கூட நாம் காணலாம். எதற்காக இதையெல்லாம் சொல்கிறேன் என்றால், உலகின் பல்வேறு தகவல்களைக் கொண்ட திரட்டாக, அறிவுச் சுரங்கமாக உள்ள கலைக்களஞ்சியம் இருக்கிறது என்றாலும், புதிதாக ஒரு கலைக்களஞ்சியத்தை உலகின் மூத்த அறிவியலாளர்கள் உருவாக்கத் திட்டமிட்டுள்ளனர். இந்த கலைக்களஞ்சியம் உருவாக்கப்பட்டபின் 300 மில்லியன் பக்கங்கள் அதாவது 30 கோடி பக்கங்கள் கொண்ட மாபெரும் புத்தகமாக இது இருக்கக்கூடும் என்கிறார்கள். அதாவது பக்கங்களை கீழே தரையில் வைத்து அடுத்து அடுத்து ஒரே வரிசையாக வைத்தால் ஏறக்குறையா 52 ஆயிரம் மைல் நீளும். நமது பூமியின் பூமத்தியரேகை அல்லது நிலநடுக்கோட்டில் இந்த வரிசைபடுத்தலைச் செய்தால் இரண்டு முறை உலகைச் சுற்றிவரலாம். ஏய் ஆத்தி என்று மூக்கில் விரல் வைத்து, இவ்வளவு பெரிய புத்தகத்தை எப்படி அச்சடிக்க போகிறார்கள், அதை யார் வாங்குவது, அதன் விலை எவ்வளவாக இருக்கும் என்றெல்லாம் யோசிக்க வேண்டாம். காரணம், இது புத்தகமாக அச்சடிக்கபடப் போவதில்லை. இந்தக் கலைக்களஞ்சியம் இணையதளமாக, உலகின் அனைத்து மக்களுக்கும் பார்க்கக்கூடிய ஒன்றாக அமைக்கப்படவுள்ளது. ஆனாலும் இந்தக் கலைக்களஞ்சியத்தை பற்றிய முக்கியமான, ருசிகரமான தகவலை உங்களுக்கு இன்னும் நான் கூறவில்லை. இநதக் கலைக்களஞ்சியம், பூமியின் உயிரினங்களை பற்றிஅயதாக மட்டுமே அமையும் என்பதுதான் அந்த முக்கிய தகவல். அதாவது மனிதனுக்கு இதுவரை தெரிந்த 18 லட்சம் உயிரன வகைகள் பற்றிய அனைத்துத் தகவலும் இந்த கலைக்களஞ்சியத்தில் இடம்பெறும்.
உயிர் கலைக்களஞ்சியம் என்ற இந்தத்திட்டப்பணியின் முதல் இரண்டரை ஆண்டுப்பணிகளுக்கு மட்டுமே 12.5 மில்லியன் அமெரிக்க டால்ர் தொகையை மெக்கார்த்தர் & ஸ்லோன் அமைப்பு அளித்துள்ளதாம். இந்தக் கலைக்களஞ்சியத்தை தொகுத்து முடிக்க 10 ஆண்டுகள் தேவை என்று கூறப்படுகிறது. ஒரு குறிப்பிட்ட உயிரனத்தின் புகைப்படம், ஓளி மற்றும் ஓலிப்பதிவுகள், அவை வாழும் பகுதிகள் பற்றிய வரைபடம், அவற்றின் மரபணுத்தொகுதி பற்றிய தகவல், அந்த உயிரனம் தொடர்பான அறிவியல் ஆய்வுக் கட்டுரைகள் எல்லாமே இடம்பெறும். இந்த மாபெரும் அறிவியல் தகவல் திரட்டு மற்றும் தொகுப்புப்பணியில் உலகின் முன்னணி அறிவியலாளர்கள், அருங்காட்சியகங்கள், பல்கலைக்கழகங்கள், ஆய்வுக்கூடங்கள் என பலரது பங்கேற்பு இடம்பெறும்.
இந்த இணையதளம் ஒரு ஊடாடும் விலங்கியல் பூங்காவாக அமையும் என்கிறார் இந்தத் திட்டப்பணியின் செயல் தலைவராக பொறுப்பேற்கும் எட்வர்ட்ஸ் என்பவர். அதாவது நேரடியாக நாம் விலங்கியல் பூங்காவுக்குச் சென்றால் தேவைப்படும் இடத்தில் நின்று பார்த்து, நாமாக தெரிவு செய்து அடுத்த பகுதிகுச் சென்று பார்த்து அறிவது போல், இந்த இணையதளத்திலும் தகவல்களை பெறலாம்.
இது உலகளாவிய மாபெரும் முயற்சி என்பதோடு, அறிவியல் துறையில் ஒரு பெரும் எம்பிக் குதிப்பு போன்ற முயற்சியாகும் என்கிறார் அமெரிக்காவின் வாஷிங்கடனில் உள்ள புகழ்பெற்ற ஸ்மித்சோனியன் நிறுவனத்தைச் சேர்ந்த கிரிஸ்டியன் சாம்பர். கடந்த ஒரு தசாப்த காலமாக புவியிலுள்ள மனிதனுக்கு புலப்பட்ட அனைத்து உயிரின வகைகளையும் கொண்ட ஒரு பட்டியலை உருவாக்க அறிவியலாளர்கள் முயன்று வருகின்றனர். ஆனால் இது பாரமான பணி, அதிக நிதி தேவைப்படும் முயற்சி, சிக்கலானதும் கூட என்பதால், இதுவரையிலும் இந்த பட்டியலோ அல்லது தகவல் திரட்டோ வெற்றிகரமாக உருவாக்க முடியவில்லை. ஆனால் தற்போது உலகின் அறிவியலாளர்களும், முன்னணி பல்கலைக்கழகங்களும், ஆய்வுக்கூடங்களும் கைகோர்த்து உயிரினங்களின் தகவல் திரட்டை, கலைக்களஞ்சியமாக உருவாக்க மேற்கொள்ளும் முயற்சி நிச்சயம் வெற்றிபெறும் என்று நாம் நம்பலாம்.

எங்கய்யா போச்சு பூமியின் மேலடுக்கு பகுதி

2007-07-07T00:34:00.000-07:00

எங்கய்யா போச்சு பூமியின் மேலடுக்கு பகுதி
மனிதர்கள் கழிவுகளாக வெளியேற்றும் பொருட்களும், நகரவாசிகள் அறிந்தும் அறியாமலும் குளியலறைகளில் தவறவிடும் பொருட்களும் சென்று சேரும் இடம் பொதுவாக கடல்தான்।

கடலுக்குள் இயற்கை நமக்களித்த எத்தனையோ செல்வங்கள் தவிர, கடற்கரைக்கு காற்று வாங்க வந்து வழியில் வாங்கிய இனிப்பு காரம், பட்டாணி சுண்டல் எல்லாம் பொதிசெய்திருந்த காகிதங்களும், பிளாஸ்டிக் உறைகளும், விளையாட்டாய் வீசியெறியும் பொருட்களும், தவறவிடும் காலணிகளும் என பலவற்றைக் காணலாம்। கடல் நீரின் ஆழத்தில் சென்றால் இன்னும் பல பொருட்களை கண்டெடுக்கலாம்। கடலுக்குள் சென்று ஆராய்ந்து பார்த்தாலும், கடற்கரையோரத்தில் நடந்து சென்றாலும் இயற்கையும் செயற்கையுமாக அலைகழித்து விடப்பட்ட பல பொருட்களைக் காணமுடியும் என்பது மீனவர்களுக்கும், கடலோரக் காற்றுக்கு மனதை தொலைத்த ஆயிரக்கணக்கான மக்களுக்கும் தெரியும்.
ஆக கடலுக்குள் நமக்கு தெரிந்தும் தெரியாமலும் பல விடயங்கள் இருக்கத்தான் செய்கின்றன.
அரபிக்கடலோ, செங்கடலோ, இந்து மாக்கடலோ பெயர்களால் வேறு பட்டாலும் இந்த கடல் என்ற நீர்தான் பூமிப்பந்தின் பெரும்பான்மையை பிடித்துள்ளது.
சிறுவயதிலிருந்தே நமக்குச் சந்தேகங்கள் அதிகம் எழுவதுண்டு. கேள்வி கேட்டு ஒன்றேல் ஆசிரியருக்கு அப்போது பதில் தெரியாததால் நமக்கு அடி, அல்லது கேட்கப்படும் கேள்வி வகுப்பை குழப்படிக்கவே செய்யப்படுகிறதோ என்று ஆசிரியர நமது பகுத்தறிவு வேட்கையின் மீதான சந்தேகத்திலும், குறும்புக்கார பையன் அவன் என்று சொன்ன சக ஆசிரியரின் குரல் தனக்கு நினைவில் வந்த காரணத்திலும் நமக்கு அடி. ஆக இப்படி அடி வாங்கியும் வாங்காமலும் சந்தேகம் தீராமல் கிடந்த கேள்விகளில் ஒன்றை உங்களுக்கு சொல்கிறேன். பூமியின் பெரும்பாலான பகுதி நீர் என்று சொல்கிறார்கள், நீருக்கு அடியில், ஆழத்தில் நிலம்தானே பிறகு எப்படி பெரும்பகுதி நீர் என்று சொல்லலாம்? உம்மை அடிச்சதில் தப்பேயில்லை என்று உங்களுக்குல் சிலர் கூறுவது எனக்கு புரிகிறது.

பிரிட்டன் நாட்டைச் சேர்ந்த சில அறிவியலாளர்கள் அட்லாண்டிக் கடலின் ஒரு குறிப்பிட்ட பகுதியை நோக்கி பயணம் மேற்கொண்டுள்ளனர். மீன் பிடிக்கவோ, அல்லது கடல் வாழ் உயிரினங்களை பற்றி ஆய்வு செய்யவோ இவர்கள் இந்தப் பயணம் மேற்கொள்ளவில்லை. காணாமல் போன ஒன்றைத் தேடித்தான் அவர்கள் சென்றுள்ளனர். டைட்டானிக் கப்பல் போல கடலுக்கடியில் மூழ்கியிருக்கும் ஏதோ ஒரு கப்பலை தேடி சென்றுள்ளார்களோ என்று யோசிக்க வேண்டாம். அவர்கள் தேடுவது என்னவென்று கேட்டால் சிரிப்புதான் வரும். காணாமல் போன பூமியின் மேலடுக்கு பகுதியைத் தேடி, என்ன ஆனது என்பதை அறியத்தான் அவர்களது இந்தப் பயணம். அட்லாண்டிக் கடலின் ஒரு குறிப்பிட்ட பகுதியில் பூமியின் மேலடுக்குப் பகுதி காணவில்லை, மேலடுக்கு பகுதி இல்லாமல் பூமியின் அடியில் உள்ள மேன்டில் எனப்படும் கவசப்பகுதியே காணப்படுகிறது. புரியும் படி சொன்னால் நமக்கு காயமேற்படும்போது, நமது உடலில் உள்ள மேல் தோல் நீங்கி உள்ளே இருக்கும் அடித்தோல் அல்லது எலும்புகளை பார்க்க முடிகிறது அல்லவா அதைப்போலத்தான். ஆக இந்த அட்லாண்டிக் கடலின் குறிப்பிட்ட பகுதியில் பூமிக்கு காயமேற்பட்டு உள்ளே சில ஆயிரம் மீட்டர் அடியில் உள்ள மேன்டில் எனும் கவசப்பகுதி தென்படுகிறது.
பூமியில் இப்படியான ஒரு காயம் பற்றி அறியப்பட்ட கடந்த 5 அல்லது 6 ஆண்டு காலத்தில், அறிவியலர்களுக்கு ஆச்சரியமும், குழப்பமும் தொடர்கிறது. இந்த காணமல் போன மேலடுக்கு பகுதி அல்லது பூமியிலான காயம், பல்லாண்டுகளாய் நீடித்து வரும் பூமியின் நிலத்தட்டுகள் அல்லது புவித்தளத்தட்டுகளின் உருவாக்கம் பற்றிய புரிதல்களை, தேற்றங்களை சவால் விடுக்கும்படியாக, பொய்யாக்கும்படியாக அமைவதே அறிவியலர்களின் குழப்பங்களுக்கு காரணம்.
சுனாமி, ஆழிப்பேரலை ஏற்பட்ட பிறகு நம்மில் பலருக்கு இந்த புவித்தளத்தட்டுகள் பற்றி பரவலாக தெரிந்திருக்கும் என்று நம்புகிறோம்.

பூமியை ஆப்பிள் போல குறுக்காக வெட்டி பார்த்தால் நான்கு படிவங்களாக அல்லது அடுக்குகளாக பூமி அமைந்திருப்பதைக் காணலாம். பூமிக்கு அடியின் மையமாக உள்ள உட்கரு, சுமார் 1200 கி மீ விட்டம் கொண்டது. அதற்கு மேலே வெளிக்கரு அடுக்கு இது திரவ நிலையில் காணப்படுகிறது. அதற்கு மேல்தான் இந்த வெப்பமான திரவத்தை காக்கும் கவசப்பகுதி, அதற்கு மேல் புவியின் மேலடுக்கு. புவியின் உட்கருவின் வெப்பநிலை சூரியனின் மேற்பகுதியை விட வெப்பமானது. இந்த உட்சூட்டினால் மேற்கரு மற்றும் கவசப்பகுதியிலான பொருட்கள் அசைகின்றன, நகர்கின்றன. புவிக்கடியிலான பொருட்களின் அசைவால், நகர்வால் மேலடுக்கு மற்றும் கவசப்பகுதிகள் அடங்கிய புவித்தளத்தட்டுகள் புவியின் மேற்பரப்பு நோக்கி நகர்கின்றன. இந்த புவித்தளத்தட்டுகள் ஒன்றோடு ஒன்று உரசும்போது அதன் விளைவாக, நிலநடுக்கம், சுனாமி என இயற்கையின் சீற்றத்தை நாம் காணலாம்.
ஆக பூமி அல்லது புவியின் செயல்பாடு, அதன் தன்மை பற்றி இப்போது அறிவியலர்களுக்கு ஏற்கனவே இருந்த புரிதல்களும் புரியாமல் போக, பகுத்து அறியும் மனிதகுலத்தின் வேட்கையின் விளைவாக அறிவியலர்கள் தொடர்ந்து ஆய்வுகளில் இறங்கியுள்ளனர். இந்த குறிப்பிட்ட அட்லாண்டிக் கடலடிப்பகுதியில் காயமடைந்து காணப்படும் புவிப்பரப்பையும், காயத்தால் கண்களுக்கு தெரியும் பொதுவாக சில ஆயிரம் மீட்டர்களுக்கு அடியில் உள்ள கவசப்பகுதியையும் கள ஆய்வு செய்ய 20 பேர் கொண்ட பிரிட்டன் நாட்டு அறிவியலர்கள் குழு பயணம் மேற்கொண்டுள்ளது.
முன்னர் குறிப்பிட்ட இந்த புவித்தளத்தட்டுகளின் மோதுதலின் விளைவாக இப்படி இந்த காயமேற்பட்டு, புவி மேலடுக்கு காணாமல் போனதா? அல்லது இந்தப்பகுதியில் புவி மேலடுக்கு பகுதி தோன்றவே இல்லையா?
இந்த கேள்விகள் ஒரு புறம் என்றால், தற்போதைய ஆய்வுகளுக்கு அறிவியலர்களை உந்தித்தள்ளியது, இனியும் புவி எப்படியெல்லாம் பரிணமிக்க போகிறது என்பதை ஆறியும் ஆவலாகும். பல சதுர கீலோமீட்டர்கள் பரந்துள்ள இந்த புவியின் மேலடுக்கு இல்லாத, பூமியின் காயம் என அழைக்கப்படும் பகுதி குறித்து பிரிட்டன் சவுதேம்ப்டன் தேசிய கடலாய்வு மைத்தின் மூத்த ஆய்வாளரும் அறிவியலருமான பிராம்லி மர்ட்டன் குறிப்பிடும் போது, கடலுக்கடியிலான பூமிபரப்பில் இன்னும் பல மில்லியன் சதுர கிலோமீட்டர் கடலடிப்பகுதி காணாமல் போயிருக்கலாம் என்பதை தற்போது அறிவியலர்கள் உணரத் தொடங்கியுள்ளதாக கூறுகிறார்.
சரி இப்படி புவியின் மேலடுக்கு பகுதி இல்லாமல் புவிக்கடி அடுக்குகள் சிரிக்க கிடக்கிறதே இதனால் ஏதும் ஆபத்தில்லையா என்றால். இது இயற்கையாக நிகழ்ந்தது, இயற்கையின் பரிணமிப்பில் ஒரு பகுதியாத்தான் இது அமைந்துள்ளது. ஆனால் இந்த அகன்ற புவியின் தன்மை மற்றும் எப்படி இந்த உலகம் என்ற பூமிப்பந்து இப்படியாக ஒர் தோற்றம் பெற்றது என்பதையெல்லாம் ஆய்ந்தறிவது அவசியமானது. இன்னும் எத்தனை அதிசயங்கள் இயற்கையில் புதைந்துள்ளதோ, யாருக்கு தெரியும்.

எரியும் பனிக்கட்டி

2007-07-06T07:49:00.000-07:00

எரியும் பனிக்கட்டி

காலநிலை மாற்றம், பு வெப்பமேறல், பசுங்கூட வாயுக்களின் வெளியேற்றம் இவையெல்லாம் நம்மிடையே பரவலாக அறிந்த விடயங்களாகிவிட்டன. பசும்பொருட்கள், பசுந்தயாரிப்புகள் என சுற்றுச்சூழலுக்கு தீங்கு விளைவிக்காத பொருட்களை, மின் கருவிகளை பயன்படுத்தும் அளவுக்கு பல நாடுகளில் இந்த புவி வெப்பமேறல் பிரச்சனைபற்றியவிழிப்புணர்வு ஏற்பட்டுள்ளது.
மறுபுறத்தில் எரியாற்றலாக பயன்படும் எண்ணெய் வளத்துக்காக இன்றும் கூட மோதல்கள். ஒரு காலத்தில் ஒரு லிட்டர் 10 ரூபாய், 15 ரூபாய் விற்ற பெட்ரோல், டீசல் இன்றைக்கு நம்மை பெருமூச்சு விடச்செய்கின்றன. எரிபொருட்களின் விலையேறினால் மற்ற பொருட்களும்தான் விலையேற்றம் பெறும். என்ன செய்ய? இது இப்படியிருக்க, அந்த எரிபொருளே கூட இன்னும் சில தசாப்தங்களில் "சட்டியில் இருந்தால்தானே அகப்பையில்" என்றாகும் நிலை. ஆக உலகமே இப்போது மாற்று எரிபொருளை, மாற்று எரியாற்றலை தேடிக்கொண்டிருக்கிறது.
காற்று, ஆதவனின் கதிர், நிலத்தடி வெப்பம் என மாற்று எரியாற்றலை பல வழிகளில் தேடிய மனிதன், கடலுக்கடியில் எண்ணெய் வளத்தைத் தவிர வேறு ஒன்றையும் எரிபொருள் தேவைக்கு பயன்படுத்த முடியும் என்று கண்டறிந்தான்.
நீரும், இயற்கைவாயுவும் ஒன்றாகக் கலந்த திட வடிவிலான ஒரு வகை கலவை, பனிக்கட்டி போன்ற படிகத்தன்மையுடன் கூடிய ஒரு பொருளை கடலடியில் கண்டறிந்தனர் ஆய்வாளர்கள்.
1 2 3

15வதுதேசிய குழந்தைகள் அறிவியல்

2007-07-05T03:53:00.000-07:00

படம் 1 மாநிலஅளவிலான தேசிய குழந்தைகள் அறிவியல் மாநாட்டு காட்சி

படம் 2மாவட்டஅளவிலான தேசிய குழந்தைகள் அறிவியல் மாநாட்டு காட்சி

படம் 3தேசிய அளவிலான குழந்தைகள் அறிவியல் மாநாட்டு காட்சி

குழந்தைகள் அறிவியல் மாநாடு

கடந்த 14 ஆண்டுகளாக தேசிய அறிவியல்தொழில் நுட்பக் கழகத்தின் உதவியுடன் தமிழ்நாடு அறிவியல் இயக்கம் குழந்தைகள் அறிவியல் மாநாட்டை நடத்திவருகின்றது,

குழந்தைகளிடையே அறிவியல் ஆய்வு மனப்பான்மையை வளர்க்க இந்த மாநாடு நடத்த படுகினற்து,

பள்ளி செல்லும் அல்லது செல்லாத குழந்தைகள் குறைந்தது மூவர்,அதிக பட்சம் ஐவர் அடங்கிய குழுவாக ஆய்வுகள் மேற்கொள்வார்கள்,ஆய்விற்கான தலைப்பு அளிக்கப் படும்,

மாவட்டம் முழுவதும் மேற்கொள்ளப் பட்ட ஆய்வுகள் மையமான ஓர் இடத்தில் குழு குழந்தைகள் மூலம் வாசிக்கப் பட்டு,அளிக்கப் பட்ட தலைப் போடு பொருந்தக்கூடிய, புதிய தகவலை/விவரத்தை அளிக்க கூடிய, அறிவியல்பூர்வ தீர்வை முன் வைக்க கூடிய ஆய்வுகள் வல்லமை பெற்ற நடுவர்களை கொண்டு தேர்வு செய்யப் பட்டு அம்மாணவர் குழு மாநில மாநாட்டிற்கு அனுப்பபடும் அங்கு தேர்வு செய்யப்படும் ஆய்வு அறிக்கைகளை தேசிய குழந்தைகள் அறிவியல் மாநாட் டில் கவுரவிக்கப் படும்।

மாவட்டளவில் பங்கேற்கும் மாணவர்கள் அனைருவமே "குழந்தை விஞ்ஞானிகள் " என்று சான்றிதழ் அளிக்கப் பெறுவர்.11 முதல் 13 வயது வரை ஒரு குழுவாகவும், 14 வயது முதல் 17 வரை ஒரு குழுவாகவும் செயல்பட அனுமதிக்கபடுவர்.
சென்ற வருடம் மாநில மாநாடு ஈரோட்டிலும், தேசிய மாநாடு சிக்கிமிலும் குடியரசு தலைவர் அப்துல் கலாம் தலைமையில் நடைப்பெற்றது.
சென்னை மாவட்ட மாநாடு சென்னை பல்கலை கழக வளாகத்தில் துணை வேந்தரின் தொடக்கவுரையுடன் நடைப்பெற்றது.
ஒவ்வொரு வருடமும் மாணவர் குழுக்களுக்கு உறுதுணையாக செயல்பட கூடிய வழி காட்டி ஆசிரியர்களுக்கு பேராசிரியர் மற்றும் வல்லுனரின் உதவியுடன் பயிற்சிகள் நடத்த படும்.
இந்த வருடம் மேற்க்கொள்ள வேண்டிய ஆய்வின் தலைப்பு-"உயிரிகளின் பல் வகைமைஎதிகாலத்திற்கு உயிர்களை பாதுகாத்தல்"....

14ஆண்டுகளில் கலந்து கொண்ட பல் மாணவர்கள் இன்று அறிவியல் துறையில் சிறந்து விளங்கு கின்றனர்....
உங்கள் பிள்ளைகள் மற்றும் தெரி ந்த பிளளைகளை பங்கேற்க்க செயலாமே...
விவரங்கள் அறிய..
உதயன் (சென்னை மாவட்ட செயலர்)

9444453588
அ।செம்மல் ( வட சென்னை மாவட்ட ஒருங்கினைப்பாளர்)

9841764170

சுதாகர் (மண்டல ஒருங்கினைப்பாளர் }
9840989822
கனேஷ் (தே।கு।அ।மா மாவட்ட ஒருங்கினைப்பாளர்}
9940424642
அலி பாட்ஷ (தே।கு।அ।மா மாவட்ட அமைப்பாளர்)
9840851718

ஐ.டி யில் பணி புரிகிறவர்களுக்கு யூனியன் தேவை யா?

2007-07-03T23:15:00.000-07:00

ஐ।டி யில் பணி புரிகிறவர்களுக்கு யூனியன் தேவையா?

இப்படி ஒரு கேள்வி ஐ. டி நிறுவண நிர்வாகிகளிடம் இருந்து குறிப்பாக இன்போசிஸ் நிர்வாகிகளிடம் இருந்து வந்த வன்னம் உள்ளது, தொழிற்சங்கம் என்பது பல தியாகங்களை செய்து பெறப்பட்ட உரிமை, ஒருவரோ அல்லது அதிகமானாவரோ இந்த உரிமை குறிப்பிட்ட ஒரு தொழிலுக்கு பொருந்தும் அல்லது பொருந்தாது என்று கூறுவதற்கில்லை.அப்படி இருக்க இவர்கள் ஐ.டி தொழிலிள் யூனியன் என்றதும் ஏன் பதறு கிறார்கள்?காரணம் இல்லாமலில்லை,இந்தியாவில் முகாமிட்டுள்ள பல்வேறு ஐ.டி கம்பேணிகள் எவவளவு நாள் நிலைத்திருக்கும் என்பது கேள்விக்குறியே..
கம்பெணியின் நிலை தன்மையே கேள்விக்குறி எனும் போது தொழிலாளர் நிலை...
கம்பெணி மூட்டை கட்டும் போது தொழிலாளர்கள் வாழ்க்கையை பற்றி கேள்வி யெழுப்பி விட்டால் ....
அதுவும், யூனியன் என்ற பேரில் கூட்டமாக சேர்ந்து கேள்வி யெழுப்பி விட்டால்.....இப்படி பல் கேள்விகளை அவர்களுக்குள் எழுப்பி பார்த்து தான் யூனியனா வேண்டவே வேண்டாம் என்று பதறு கின்றனர்,யூனியனாக கட்டமைய விட்டாமல் சித்து வேளையெல்லாம் செய்கிறார்கள்.
கை நிறைய சம்பளம், போக்குவரத்துக்கு வசதி. சோர்வை கலைத்து உற்சாகம் கூட்ட காபி,டீ,மென்பாணம் (இன்னும் சில இடத்தில் பீர்) அத்தோடு நில்லாமல் வாரம் ஒரு முறையோ மாதம் ஒரு முறை யோ உல்லாச சுற்றுலா என "இவை யெல்லாம் எத்தனை நாளைக்கு " என்று மனதில் கேள்வி யெழும் வாய்ப்பே இல்லாமல் பார்த்துக் கொள்ள முயல்கிறார்கள்.
ஆயுத பூஜைக்கு முதலாளியா பார்த்து கவரில் போட்டு தரும் இணாமுக்கும்,உரிமையுடன் பேசி பெரும் போன்ஸ் பணத்துக்கும் நிறையவே வித்தியாசம் உண்டு.
இனாம் என்ற நினைவுடனே ஐ.டி நிர்வாகம் அளிப்பவற்றை ஊழியர்கள் பெற வேண்டும்,அது அவர்களின் உரிமை யென்றபுரிதல்லெல்லாம் வந்து விட கூடாது.யூனியன் அவர்களின் உரிமைகளை புரிய வைத்துவிடும் எனவே தான் எதிர்க்கிறார்கள்.
யூனியன் அவசியம் ஊழியருக்கு புரிய வேண்டும்.. நல்ல யூனியன் தலைமையை அவர்களுக்கு அடையாளம் காட்ட வேண்டும்.

சிந்திப்போம் நண்பர்களே...: கருத்து கணிப்பா? திணிப்பா?

2007-07-03T00:27:00.000-07:00

சிந்திப்போம் நண்பர்களே...: கருத்து கணிப்பா? திணிப்பா?

கருத்து கணிப்பா? திணிப்பா?

2007-07-03T00:14:00.000-07:00

கருத்து கணிப்பு என்ப்து அறிவியல் பூர்வமாக கூறப்படும் பொய் என்று யாரொ சொல்ல கேட்டது தினகரன் வெளியிட்ட சர்வே முடிவு களை பார்க்கும் போது நினைவிற்க்கு வந்தது,அந்த பத்திரிகை முதலாளிகளுக்கு உள்ள விருப்பத்தை கருத்து கனிப்பு என்ற பேரில் மக்கள் மூலையில் தினிக்க முயன்றுள்ளது தெள்ள தெளிவாக புரியும்.ஆரம்ப காலத்தில், அரசின் செயல் பாடு குறித்து மக்களின் கருத்தறிய இத்தகைய சர்வேக்கள் உதவியது. தற்போதும் கூட பல்வேறு வனிக நிறுவணங்கள் தங்களின் சந்தை நிலவரத்தை அறிய இத்தகைய சரிவேக்களை நிகழ்த்து கின்றன,அதன் மூலம் தங்களின் தொழில் முன்னேற்றத்தைதிட்ட மிடுகின்றன.மேலும் பல்வேறு தன்னர்வ அமைப்புகளும்,மாணவர் குழுக்களும் சர்வேக்கள் நடத்தி சமூக பிரச்சனைகளை வெளிகொணற உதவு கின்றனர்.ஆனால் இழவு வீட்டில் கூட அரசியல் லாபம் தேடும் கேடு கெட்ட அரசியல் வாதிகள் இந்த சர்வே முறையை கூட தங்களின் சுய தம்பட்டத்திற்க்கு பயன் படுத்தி கொள்கின்றனர்.தினகரன் தனது சர்வேவை ஒரு பிரபல மான சர்வே நிருவணத்தின் மூலம் நடத்தி யுள்ளது, இந்நிறுவணம் போன்றே பல நிறுவணங்கள் சர்வதேச அளவில் பேரும் தரமும் கொண்டிருந்தாலும் உள்ளூர் அளவில் அப்படி இல்லையெண்றே தோண்றுகிறது, ஏனென்றால் அவை மேற்கோள்ளும் சர்வெக்கள் பெரும்பாலும் வாடிக்கையாளர் விருப்பத்தை , எதிர்ப்பார்ப்பை பூர்த்தி செய்யும் விதமான முடிவை கொண்ட தாக இருக்க நிர்பந்திக்க படுகிறார்கள், மேலும் இந்த நிறுவணங்கள்கள ஆய்விற்கு அனுப்பும் பணியாளர்கள் அக் கம்பெனியின் நிரந்தர பணியாளராக இருப்பத்தில்லை,ஊதியத்தை பொறுத்தவரை எந்த ஒரு நிர்ணயிப்பும் இல்லை,அந்த ஊதியமும் குறிப்பிட்ட கால கெடுவில் வழங்க படுவதில்லை,எனவே களப்பணியளர்களில் பலர் ஒரே நேரத்தில் பல நிறுவணத்தில் பணி புரியும் நிலையும் உள்ளது,இந் நிலையில் இப்பணியாளரிடம் இருந்து எப்படி தரமான விவரங்களை எதிர் பார்க்க முடியும்.இந்த லட்சணத்தில் மேற்க்கோள்ளப்பட்ட சர்வெ முடிவின் காரண மாக எத்தணை கொண்டாடம், ஆர்பாட்டம் ஒரு பக்கம் ,கோவாவேசம்,படுகொலைகள் மறு பக்கம்.
புகைந்து கொண்டுறிந்த தொழில் தகறாரை ,பங்காளி சண்டையை பட்டவர்த்தன மாக்கியது ஒரு சர்வே முடிவு. ....இந்த ஒரு விசயத்தை தவிர தினகரன் சர்வே வினால் யாதொண்றும் பயணில்லை நண்பர்களே...
சிந்திப்போம் நண்பர்களே...
சுய விளம்பரம்,பண பலம்,பிரசார ஊடகம்,சாதி,சந்தர்ப்ப வாத அரசியல் இன்றி, மக்கள் நலனுக்காக் உழைக்கும் அரசியல் சக்திகள் இருக்கின்றார்கள்,
அவர்கள் யாரெண்று கண்டறியும் திசை வழியில். .
சிந்திப்போம் நண்பர்களே...

சென்னை வந்தது நிமிட்ஸ்: கடும் எதிர்ப்பு

2007-07-02T09:16:00.000-07:00

பெரும் சர்ச்சைகளுக்கு மத்தியில் அமெரிக்க போர்க்கப்பலான யுஎஸ்எஸ் நிமிட்ஸ் இன்று காலை சென்னை வந்து சேர்ந்தது. சென்னை துறைமுகத்திலிருந்து மூன்றரை கடல் மைல் தொலைவில் அது நிறுத்தப்பட்டுள்ளது. அமெரிக்காவின் மிகப் பெரும் அணு சக்தியால் இயங்கும் போர்க் கப்பல்களில் ஒன்று யுஎஸ்எஸ் நிமிட்ஸ். ஓல்ட் சால்ட் என்ற செல்லப் பெயர் கொண்ட இந்தக் கப்பல் ஈராக் போரில் பெரும் பங்கு வகித்தது.
இந்தக் கப்பலை தளமாக பயன்படுத்தித்தான் ஈராக் மக்கள் மீது அமெரிக்க போர் விமானங்கள் குண்டு வீசித் தாக்கி அழித்தன. இக் கப்பலில் இரண்டு அணு உலைகள் உள்ளன. இக்கப்பல் பல்வேறு நாடுளுக்கு சுற்றுலாவாக சென்று வருகிறது. அந்த வகையில் சென்னைக்கும் இக்கப்பல் வந்துள்ளது. ஆனால் அணு சக்தியுடன் கூடிய இந்தக் கப்பல் சென்னைக்கு வந்தால் சென்னை நகருக்கும், தென் மாநிலங்களுக்கும் பெரும் ஆபத்து ஏற்படும் என பல்வேறு கட்சிகள் எதிர்ப்பு தெரிவித்தன. ஆனால் இதை மத்திய பாதுகாப்புத் துறை அமைச்சர் ஏ.கே.அந்தோணி நிராகரித்தார். இக்கப்பலால் அணு கதிர்வீச்சு அபாயம் ஏதும் இல்லை என்று அவர் கூறியிருந்தார். இந்த நிலையில் 6000 போர் வீரர்கள் மற்றும் ஊழியர்களுடன் நிமிட்ஸ் இன்று காலை சென்னைக்கு வந்து சேர்ந்தது. சென்னை துறைமுகத்திலிருந்து மூன்றரை கடல் மைல் தொலைவில் இக்கப்பல் நிறுத்தப்பட்டுள்ளது. அங்கிருந்து ஊழியர்களை, இன்னொரு அமெரிக்க கப்பல் ஏற்றிக் கொண்டு சென்னை துறைமுகத்திற்குக் கொண்டு வரும். பின்னர் வருகிற 5ம் தேதி வரை சென்னையில் அவர்கள் தங்கியிருந்து பல்வேறு நிகழ்ச்சிகளில் பங்கேற்பார்கள். சென்னை துறைமுகத்திலிருந்து நேராக அவர்கள் எழும்பூரில் உள்ள ராஜரத்தினம் ஸ்டேடியத்திற்கு அழைத்துச் செல்லப்படுகிறார்கள். அங்கிருந்தது பல்வேறு பிரிவுகளாக பேருந்துகள் மூலம் சென்னை மற்றும் காஞ்சிபுரம் மாவட்டத்தில் உள்ள பல்வேறு இடங்களுக்கு செல்கிறார்கள். இதற்கிடையே, நிமிட்ஸ் கப்பலால் ஆபத்து ஏதும் உள்ளதா என்பதைக் கண்காணிக்கவும், இந்திய கடலியல் பகுதியை பாதுகாக்கும் நோக்கத்துடனும், இந்திய கடற்படைக்குச் சொந்தமான ஒரு போர்க் கப்பல் சென்னை துறைமுகத்தில் நிறுத்தப்பட்டுள்ளது. இக்கப்பல் நிமிட்ஸ் கப்பலைக் கண்காணித்தபடி இருக்கும். இதில், அணு சக்தித் துறையைச் சேர்ந்த விஞ்ஞானிகள் அடங்கிய குழு தங்கியுள்ளது. நிமிட்ஸ் வருகையை எதிர்த்து இன்று சென்னை துறைமுகம் எதிரே இடது சாரிக் கட்சிகள் ஆர்ப்பாட்டம் செய்யவுள்ளன. எந்த ஆபத்தும் இல்லை-நிமிட்ஸ் கேப்டன் இதற்கிடையே நேற்று பத்திரிக்கையாளர்கள் நிமிட்ஸ் கப்பலுக்கு அழைத்துச் செல்லப்பட்டனர். இலங்கை கடல் எல்லையில் நின்று கொண்டிருந்த நிமிட்ஸ் கப்பலுக்கு சிறிய கப்பல் மூலம் பத்திரிக்கையாளர்கள் அழைத்துச் செல்லப்பட்டனர். அவர்களிடம் கப்பலின் கேப்டன் மைக்கேல் மெனசீர், கமாண்டர் ஜான் டெரன்ஸ் பிளாக், ஆகியோர் பேசினர். அவர்களிடம் கப்பலில் அணு ஆயுதங்கள் உள்ளதா என்று செய்தியாளர்கள் கேட்டதற்கு, இந்தக் கப்பல் மிகுந்த பாதுகாப்புடன் கூடியது. 57 ஆண்டுகளாக இது பயன்பாட்டில் உள்ளது. இதுவரை எந்த அசம்பாவிதமும் ஏற்பட்டதில்லை. இதனால் உங்களுக்கு (இந்தியாவுக்கு) எந்தவித ஆபத்தும் கிடையாது என்று உறுதியளிக்கிறோம் என்றனர். அணு ஆயுதங்கள் உள்ளதா என்று மீண்டும் செய்தியாளர்கள் கேட்டபோது, சில விஷயங்களை அவ்வளவு எளிதில் சொல்லி விட முடியாது என்று மழுப்பலாக அவர்கள் பதிலளித்தனர்.

இணைய பழக்க அடிமைத்தனம்

2007-06-30T22:55:00.000-07:00

கோலி, பம்பரம், கிட்டிப்புள், காத்தாடி விடுதல், மறைந்து விளையாடுதல், என பல விளையாட்டுகளை நாம் சிறு வயதில் விளையாடியிருப்போம். கல்லாங்காய், பாண்டி விளையாட்டு, பல்லாங்குழி, தாயம், ஆடுபுலி ஆட்டம், சதுரங்கம் கூட விளையாட்டுகள் கூட சிறு வயதினர் பலர் விளையாடும் விளையாட்டுகளே. பள்ளிகளில் கிரிக்கெட், கால்பந்து, கபடி, கோகோ போன்ற விளையாட்டுகளும் விளையாடியிருப்போம். இந்த விளையாட்டுகள் உடற்பயிற்சியாக அமைந்தது மட்டுமல்லாது மனமகிழ்ச்சியும் அளிப்பவையாக அமைந்தவை. படிப்பை விட விளையாட்டில் கவனம் அதிகமானால் பெற்றோர்களின் கண்டிப்பும் சில சமயம் தண்டனையும் கிடைத்த அனுபவங்கள் நம்மில் பலருக்கு இருக்கலாம். ஆனால் கல்வியும் விளையாட்டும் அவற்றுக்குரிய கவனம் செலுத்தப்பட்டு அவற்றில் மின்னும் குழந்தைகளை பெற்றோர் கடிந்து கொள்வதில்லை.
ஆனால் அறிவியலும் தொழில்நுட்பமும் அதி நவீன முன்னேற்றங்களை நம் விட்டில் பயன்படுத்தும் பொருட்களில் நம்மை உணரச் செய்துகொண்டிருக்கும் இந்த நவநாகரீக காலத்தில் இந்த விளையாட்டுகளை விட பெற்றோர்களுக்கு வேறு ஒரு விளையாட்டு வினையாக எழுந்து குழந்தைகளை ஆட்டிவைத்துள்ளது கண்டு செய்வதறியாமல் திகைத்துள்ளனர்.
கணிணிமயமான இந்த காலக்கட்டத்தில் சிறுவர்களும், பள்ளி வயது பதின் பருவத்தினரும் மனமகிழ்ச்சிக்கும், விளையாட்டுக்கும் தேர்ந்தெடுக்கம் களம் இணையமாகிவிட்டது. ஆம் இணைய விளையாட்டுக்களே இன்றைக்கு சிறு வயதினரின் விருப்ப விளையாட்டுகளாக மாறியுள்ளன. நாம் முன்னர் குறிப்பிட்ட விளையாட்டுகள் கணிணினியிலேயே மென்பொருட்களின் சூட்சுமத்தால் விளையாடக் கிடைக்கும் போது, எதற்கு வெளியே சென்று விளையாடவேண்டும். மட்டுமல்ல சில இணைய விளையாட்டுகள் தொடர் விளையாட்டுகளாக, நீண்ட காலம் விளையாடும் வகையில் அமைந்திருப்பதோடு, உலகின் பல பகுதிகளைச் சேர்ந்தவர்கள் ஒன்றாக ஒரே நேரத்தில் தங்கள் முன் உள்ள கணிணியின் உதவியோடு விளையாட முடிகிறது. எனவே எதற்கு தெருவில் சென்று மாஞ்சா போட்டு காற்றாடி விட வேண்டும்
1 2
nandri- http://tamil.cri.cn/1/2007/03/19/62@50726.htm

2007-06-27T00:49:00.000-07:00

அமெரிக்க அணு அரக்கனே சென்னைக்குள் நுழையாதே......
அமெரிக்க அணு சக்தி போர்க்கப்பல் யு.எஸ்.எஸ். நிமிட்ஸ் ஜுலை 1 அன்று சென்னை துறைமுகத்திற்கு வரவுள்ளது. ஜுலை 5 வரை சென்னையில் இக்கப்பல் முகாமிட்டிருக்கும்.
உலகின் மிகப் பெரிய போர் கப்பலில் ஒன்றான யு.எஸ்.எஸ். நிமிட்ஸ்
இந்திய - அமெரிக்க இராணுவ ஒத்துழைப்பின் பேரிலேயே சென்னைக்கு வரவிருக்கிறது.
இக்கப்பலின் வருகைக்கு கடும் எதிர்ப்பு கிளம்பி வருகிறது.
#அமெரிக்க கடற்படைக்குச் சொந்தமான யுஎஸ்எஸ் நிமிட்ஸ் என்ற ராட்சத கப்பல் உலகில் உள்ள மிகப் பிரமாண்டமான அணு சக்தி போர்க் கப்பல்களில் ஒன்று.
#1975ம் ஆண்டு செயல்படத் தொடங்கிய இந்தக் கப்பல் 4.5 ஏக்கர் பரப்பளவு கொண்ட பிரமாண்ட கப்பல் ஆகும்.
#இந்தக் கப்பலில் 75 விமானங்களை நிறுத்தி வைக்க முடியும்.
#மணிக்கு 30 கடல் மைல் வேகத்தில் இந்தக் கப்பல் பயணிக்கும். கடந்த 2003ம் ஆண்டு ஏப்ரல் மாதம் நடந்த ஈராக் போரின்போது இந்தக் கப்பலிலிருந்துதான் அமெரிக்க விமானங்கள் ஈராக்கைத் தாக்கி வந்தன.இந்தக் கப்பலில் 2 அணு உலைகள் உள்ளன. அணு சக்தியின் மூலம் இந்தக் கப்பல் இயங்குகிறது. இந்தக் கப்பல் சென்னைக்கு வருவதற்கு கடும் எதிர்ப்பு கிளம்பியுள்ளது.இதுகுறித்து துறைமுக ஊழியர்கள் மற்றும் நீர் போக்குவரத்துப் பணியாளர்கள் சம்மேளனத்தின் பொதுச் செயலாளர் நரேந்திர ராவ் கூறுகையில்இ இந்தக் கப்பலுக்கு ஏதாவது ஆபத்து ஏற்பட்டால் பெருமளவில் கதிர் வீச்சு ஏற்படும். அதனால் சென்னை நகரம் முழுமையாக அழிந்து போய் விடும். அது மட்டுமல்லாமல் பக்கத்தில் உள்ள தென் மாநிலங்களுக்கும் பெரும் பாதிப்பு ஏற்படும் என்றார்.இந்த ஆபத்தை விவரித்து அமெரிக்க அணு சக்தி கப்பலை இந்தியாவுக்குள் அனுமதிக்கக் கூடாது என்று கோரி மத்திய அமைச்சரவைச் செயலாளர்இ கப்பல் துறை செயலாளர்இ சென்னை துறைமுக பொறுப்புக் கழகத் தலைவர் ஆகியோருக்கு நரேந்திர ராவ் கடிதம் எழுதியுள்ளார்.பயங்கர ஆயுதங்கள் அணு உலைகளுடன் வரும் இந்த அமெரிக்கக் கப்பலால் சென்னை துறைமுகத்தில் பெரும் பீதி நிலவுகிறது.ஈராக்கில் பேரழிவு மிக்க ஆயுதங்கள் உள்ளது என்ற பெயரில் ஈராக் நாட்டை அழித்து துவம்சம் செய்த அமெரிக்கா அந்நாட்டின் அதிபர் சதாமையும் துக்கிலிட்டது. மொத்தத்தில் அந்நாட்டின் இறையாண்மையையே அழித்து நொறுக்கியது.தற்போது ஈரான் மீது கண் வைத்திருக்கும் அமெரிக்கா. அந்நாட்டில் அணுசக்தி உற்பத்திக்கு தடை விதிக்க கோருவதோடு முற்றிலுமாக கைவிட வேண்டும் என நிர்ப்பந்தித்து வருகிறது. அடுத்த ஒரு போர்ச் அமெரிக்கா தயார் செய்து வருகிறது.அதே போல் வடகொரியா. சிரியா. கியூபா என பல்வேறு நாடுகளை ரவுடிகள் நாடுகளாக பட்டியலிட்டுள்ளதோடு. பயங்கரவாதத்திற்கு எதிரான போர் என்ற பெயரில் பல்வேறு நாடுகளின் இறையாண்மைக்குள் மூக்கை நுழைத்து வருகிறது.இந்திய ஆட்சியாளர்களும் நாளுக்கு நாள் அமெரிக்க உலக ரவுடிக்கு ஆதரவான நிலைபாட்டையே எடுத்து வருகின்றனர். அமெரிக்காவை நம்பிய எந்த நாடும் உருப்பட்டதாக வரலாறு இல்லை. உலகம் முழுவதும் அணு சக்தி உற்பத்திக்கு தடை கோரும் அமெரிக்க கப்பல் அதுவும் அணு உலைகளைக் கொண்டு இயங்கும் யு.எஸ்.எஸ். நிமிட்ஸ் போர்க்கப்பல் என்பதோடு மட்டுமல்ல அது தனக்குள்ள பேரழிவு மிக்க அணு ஆபத்தையும் கொண்டுள்ளது. இத்தகைய கப்பலில் ஏதாவது சிறு ஆபத்து நேர்ந்தால் கூட அது சென்னை மற்றும் புறநகர் பகுதிகளையும் - ஆந்திரா உட்பட புல் - பூண்டு இல்லாமல் அழியும் ஆபத்து உள்ளது. இத்தகைய அபாயகரமான கப்பலை சென்னைக்கு நுழைய அனுமதித்த மத்திய அரசின் செயல் கடுமையான கண்டனத்திற்கு உரியதாகும்.
யு.எஸ்.எஸ். நிமிட்ஸ்-யை இந்தியாவிற்கு நுழைய அனுமதித்த மத்திய அரசின் செயலுக்கு மார்க்சிஸ்ட் கம்யூனிஸ்ட்,.A.D.M.K கட்சி கடும் கண்டனத்தை தெரிவித்துள்ளது குறிப்பிடத்தக்கது.
லிட்டில் பாய். பேட் பாய் என்று ஹிரோஷிமா - நாகாசாகியை அழித்து மனித குலத்தையே நாசமாக்கிய அமெரிக்காவின் யு.எஸ்.எஸ். நிமிட்ஸ் சென்னையை அழிக்க அனுமதிக்கலாமா? ஆர்த்தெழுவோம் அணு அரக்கனை விரட்டியடிக்க!ஈராக்கை அழித்த அரக்கனை சென்னையை அழிக்க விடலாமா? அகிம்சையை விதைத்த மண்ணில் அரக்கர்களை அனுமதிக்கலாமா? மனித குலத்தை மண்ணுலகிற்கு அனுப்பும் அமெரிக்க போர் வெறியை - நாடுபிடிக்கும் நாட்டாண்மையை நிர்மூலமாக்குவோம்!